विगत १६ वर्षदेखि आयोजना हुँदै आएको मिस नेपालमा यसवर्ष भने केही आर्थिक अभाव देखिएको छ । नेपालकै सवैभन्दा ठूलो सौन्दर्य प्रतियोगीताको रुपमा लिईएको प्रतियोगीताको १६ औं संकरणमा आर्थिक अभाव प्रष्ट देखिएको हो । मिस नेपालको विजेतालाई दिईदै आएको पुरस्कार राशी यसवर्ष निक्कै कम हुनुले आर्थिक अभाव भल्किएको हो । काठमाण्डौको ललितपुरमा आयोजना गरीएको पत्रकार सम्मेलनमा समेत आयोजकले यो कुरालाई स्विकार गरेका छन् । गतवर्ष मिस नेपाललाई कार उपहार दिईएतापनि यो वर्ष यो उपहार राखिएको छैन ।
यो विषयमा पत्रकारको जिज्ञासामा आयोजकले भनेको छ, रकमको अभाव भएकाले यो उपहार नराखीएको हो । यस वर्षको मिस नेपालको विजेताले नगद रु पचास हजार मात्र प्राप्त गर्नेछिन् । यो वर्षदेखि मिस नेपालको मुख्य प्रायोजक समेत परिवर्तन भएको छ । डाबर नेपालको प्रायोजनमा हुँदै आएको मिस नेपाल यसवर्षदेखि लक्स सावुनको प्रायोजनमा हुने भएको हो । डावरको प्रायोजन नभएपछि देखिएको यो आर्थिक संकटलाई अर्थपुर्ण तरीकावाट हेरीएको छ । मिस नेपालको अन्तिम प्रतिस्पर्धा यही भाद्र १३ गते आयोजना हुनेछ । अन्तिम प्रतियोगीताका लागी देशभरका विभीन्न शहरवाट १९ प्रतियोगीहरु सहभागी भएका छन् । प्रतियोगीतामा २० जना सहभागीहरु अन्तिम प्रतिस्पर्धाका लागी छनोट गरीएको भएतापनी १ सहभागीको खुट्टाको अप्रेशन गरेका कारण उनी सहभागी हुन नसक्ने वुझिएको छ ।
मिस नेपाल जस्तो राष्ट्रिय प्रतियोगीता १६ संकरणसम्म आईपुग्दा पनि काठमाण्डौमै सिमीत रहेको छ । काठमाण्डौ भित्र नै रहेर आयोजकले अडिशन लिईदिदा देशभर छरिएर रहेका प्रतियोगीहरु भने ओझेलमा परेको कुरालाई नकार्न सकिदैन । यसवारेमा आयोजकले आउदो वर्षवाट विचार पुर्याउनु जरुरी छ । अर्कोतिर, काठमाण्डौ लगायत देशभर विगत केही समय यता सौन्दर्य प्रतियोगीताको व्यापार फस्टाएको छ ।
जसका कारण, मिस नेपाल जस्तो राष्ट्रिय प्रतियोगीतालाई समेत असर पुग्न गएको विश्लेषकहरुको भनाई छ । तर, जे जस्तो वाधा र अड्चन आएतापनी मिस नेपाल प्रतियोगीता सफलतापुर्वक सम्पन्न होस्, हाम्रो शुभकामना ।
