कतार (दोहा), फाल्गुन २४ - गैरकानुनी रूपमा बसेका आप्रवासी कामदारलाई कुवेत सरकारले स्वदेश फर्किन वा कानुनी हैसियत प्राप्त गरी बस्नका लागि आममाफी (एमनेस्टी) दिने घोषणा गरेको छ । यो घोषणाबाट कुवेतमा गैरकानुनी रूपमा कार्यरत करिब ४ हजार नेपाली लाभान्वित हुनेछन् ।
कुवेत सरकारले चार महिनाको अवधि तोकेर यही मार्च १ देखि जून ३० अर्थात् फागुन १७ देखि असार १६ गतेसम्म आममाफी दिने घोषणा गरेको छ । कुवेतस्थित नेपाली दूतावासले नेपाली नागरिकलाई यो सुविधाको सदुपयोग गरी नेपाल फर्किन वा कानुनी हैसियत प्राप्त गरी काम गर्न अनुरोध गरेको छ ।
यो आममाफीमा हत्याको आरोप लागेका, लागूऔषध, तस्करी, कारागार सजाय भोगेका भने पर्दैनन् । गैरकानुनी रूपमा बसेका कामदारलाई आममाफी सुविधा दिएको हो । गैरकानुनी हुनेमध्ये अधिकांश आफ्नो स्पोन्सर (साहू वा कम्पनी) छोडेर भाग्ने कामदार छन् । खाडी राष्ट्रमा स्पोन्सरको अनुमतिबिना अरू ठाउँमा काम गर्नुलाई गैरकानुनी रूपमा लिने गरिएको छ । कुवेतमा करिब ४५ हजार नेपालीमध्ये महिलाको संख्या ३५ हजार छ । ती महिलाहरू मुख्य रूपमा घरेलु कामदार (हाउसमेड) को रूपमा कार्यरत छन् ।
कुवेतका लागि नेपाली राजदूत मधुवन पौडेलले आममाफीको घोषणापछि सोमबारसम्म करिब १ हजार नेपालीले दूतावासमा सम्पर्क गरेको बताएका छन् । दूतावासले आममाफीको फाइदा लिन गैरकानुनी रूपमा बसेका नेपाली कामदारले पूरा गर्नुपर्ने प्रक्रियाको विस्तृत सूचनासमेत जारी गरेको छ ।
सूचनामा राहदानी हराएका, म्याद समाप्त भएको, आवासीय भिसा नभएका, प्रवेश भिसा भएर आवासीय भिसा नलिएका, कुनै कारणले राहदानी नभएर यात्रा अनुमतिपत्र (ट्राभल डकुमेन्ट) लिनुपर्ने, बहिर्गमन भिसा (इक्जिट पेपर) लिन, भिजिट भिसामा आएर म्याद समाप्त भएकालगायतका विभिन्न विषय छुट्टयाएर कुवेतको अध्यागमन कार्यालय वा
दूतावासमा सम्पर्क गर्न भनिएको छ । दूतावासले सम्पर्कका लागि आफ्नो फोन नम्बर २५२४३२५४ र २५२४३२५७ उल्लेख गरेको छ । दूतावासले साहू वा कम्पनीबाट तलबलगायत सुविधा पाउन बाँकी भएका र उक्त सुविधा पाउनका लागि अदालतमा मुद्दा चलाएको भए रकम पाउनका लागि कानुनी रूपमा कसैलाई प्रतिनिधि नियुक्ति गरी घर जान सक्ने बताएको छ ।
आममाफीअघि समस्यामा एक वर्षको अवधिमा दूतावासको पहल, घरफिर्ती केन्द्र तथा जेल सजाय भोगेर ७ सय २० नेपाली स्वदेश फर्किइसकेका छन् भने २ सय महिला दूतावासको आश्रयस्थलमा रहेको राजदूत पौडेलले बताए । नेपाली महिलामध्ये करिब एक तिहाइ नक्कली राहदानी, अर्काको राहदानीमा फोटो परिवर्तन गरेर भारतीय बाटो हुँदै कुवेत भित्रिएका हुन् ।
कुवेत सरकारले आममाफीको अवधिभर स्वदेश जानेहरूले कुनै सजाय भोग्नु नपर्ने र दण्ड जरिवाना तिर्नु नपर्ने र पुन: कुवेत फर्किन पाउने घोषणा गरेको छ । तर समयावधिभित्र कानुनी हैसियत नपाई कुवेतमै बस्नेले कडा सजाय भोग्नुपर्ने, सजायपछि देश निकाला (डिपोर्ट) गर्ने र पुन: कुवेत आउन नदिने भएको छ । राहदानी भएर गैरकानुनी हैसियतमा बसेका कामदारले आवासीय भिसा लिई कुवेतमा बस्न चाहेमा उक्त अवधिको जरिवाना तिरी आवासीय भिसाका लागि कानुनी प्रक्रिया पूरा गर्नुपर्ने दूतावासले जनाएको छ ।
आममाफी पाएर स्वदेश फर्किनका लागि दूतावासले सस्तो दरमा हवाई टिकट उपलब्ध गराउन फ्लाई दुवाई र एयर एरेवियासँग कुरा गरेको छ । जसअनुसार फ्लाई दुवाई ३० केजी लगेज र ७ केजी ह्यान्डक्यारी सहित ४१ डिनार टिकट दिने निश्चित गरेको छ ।
कुवेतले आफ्नो राष्ट्रिय दिवसको स्वर्ण महोत्सव, २० औं मुक्ति दिवस र राजा साबह अल(जाबर अल सबानको पाँचौं राज्य रोहणको अवसर पारेर आममाफी घोषणा गरेको हो । फागुन १४ मा मनाइएको कुवेतको राष्ट्रिय दिवसको अवसरमा नेपाली राष्ट्रपति डा. राष्ट्रपति रामवरण यादवसहित ४० देशका राष्ट्र प्रमुख र विशेष प्रतिनिधिहरू सहभागी थिए ।
Via Source:- eKantipur
नेपाली कामदारहरूले उक्त कारखानामा काम गरे बापत ३०० डलर महिनाबारी तलब पाउने छन्। यसका साथै हप्ताको एक दिन छुट्टी पाउने ब्यबस्था पनि उल्लेख गरिएको छ । यसै क्रममा हरेक दिन १० घण्टा भन्दा बढी काम गर्न ईच्छा गर्ने कामदारले थप काम गर्न पाउने र सो बापत ३०० डलर देखि सात/आठसय डलर सम्म मासिक कमाउन सक्ने छन्।
नयाँ बर्ष तथा अन्तराष्ट्रिय मजदूर दिवसको अवसर पारेर मलेसियाब्यापि सांस्कृतिक कार्यक्रम हुने भएको छ । आदर्श युवा समूहको आयोजनामा हुन गईरहेको कार्यक्रम मलेसियाको जोहोर राज्य, मलक्का राज्य, क्वालालम्पुर र पेनाङ गरी भिन्न भिन्न समय र मितिमा आयोजना हुने भएको हो । नेपालका सर्वाधिक लोकप्रिय महिला गायीका अन्जु पन्त, सर्वाधिक लोकप्रिय पुरुष गायक दीपक लिम्बु, पुर्वेली लोक तथा आधुनीयक गायीका जसोदा लिम्बु, पश्चिमेली लोक गायक खुमन अधिकारी, जनवादी गायक माईला लामा, लोकप्रिय नायीका युना उप्रेती लगायतका कलाकारहरुको उपस्थितिमा उक्त सांस्कृतिक कार्यक्रम हुन गईरहेको कार्यक्रम संयोजक दिनेश कार्कीले बताए । 
नेपाली नया वर्ष २०६८ को अवसर पारेर प्रबासी मगर संघ निलाई इकाई कमिटि मलेसियाले भब्यरुपमा मलेसियाको नेगरी सेम्बिलान स्थित बन्दरबरु निलाईमा सास्कृतिक धमाका २०६८ आयोजना हुने जानकारी दिएका छन् । मलेसियाको निलाई शहरमा नै पहिलो पल्ट सास्कृतिक धमाकाआयोजना हुन लागेको आयोजकहरुले बताएका छन् । सास्कृतिक धमाकाको लागि कलाकारहरु भने प्रबासमा नै काम गर्ने प्रबासी कलाकारहरु हुन् ।कलाकारहरुमा क्रमश:सिमा,मिलन,रोशन,नगेन्द्र,
शेरचनका अनुसार सेन्डाईस्थित एक इन्डियन रेस्टुरेन्टमा काम गर्ने चूडामणि सापकोटा, सेन्डाईमै कार्यरत बाबु सापकोटा, माया गुरुङ, मियागीस्थित यती रेस्टुरेन्टका सञ्चालक श्रवण तुलाचन र मीना तुलाचनलगायत सम्पर्कबाहिर छन् । सम्पर्कविहीन नेपालीबारे दूतावास जानकार रहे पनि यकिनसाथ केही भन्न नसकिने टोकियोस्थित दूतावासका उपनियोग प्रमुख दुर्गाबहादुर सुवेदीले बताए ।
यसरी समातिएकाहरु पहिले पनि कोरिया आएर काम गरेका तथा समातिएर नेपाल फर्केका तथा पछि फेरि इपिएस प्रणालीद्वारा यहाँ आएकाहरु बढी छन् । नाम परिवर्तन गरी वा एक पटक कोरियाबाट समातिएर गएका नेपालीहरु पक्राउ परेका नेपाली राजदुतवात स्रोतले जानकारी दिएको छ ।
सरकाको राष्ट्रिय योजना आयोगको आईसिटी फर एजुकेशन कार्यक्रम अन्तर्गत सञ्चालन हुन लागेको यो कार्यक्रम सुरु गर्ने बारेमा योजना आयोग, एनआरएन र बिभिन्न दातृ निकायहरुबीच सहमति भइसकेको छ । नेपालका सबै जिल्लाहरुमा बिद्युतीय लाइब्रेरी स्थापना गर्नका लागि विश्वभरी यसै क्षेत्रमा काम गरिरहेका दातृ निकायहरुलाई अनुरोध गरिनेछ । जसमा अमेरिकाको गेट फाउण्डेसन, संयुक्त राष्ट्र संघ लगायतका छन् । त्यसैगरि नेपालमा रहेका काठमाडौं त्रिभुवन र हालै योजना बन्दै गरेको खुल्ला विश्वबिद्यालय लगायतका विश्वविद्यालयहरु समेत यसमा सहयोगी बन्नेछन् ।
