संबेदनशील अङ्गहरु तथा लिङ्ग हेर्ने भन्दै ..............

कोहि नछुटुन र कोहि नोदोर् उन् भन्ने मुल नाराका साथ भइरहेको दोश्रो चरणका जनगणनामा लैङ्गीक तथा यौनीक अल्पसंख्यकको पहिचान नखुलाइएको र यस बिषयमा सम्बन्धित निकायमा कुरा गर्दा उल्टै दुब्र्यवहार खेप्नु परेको उनिहरुले बताएका छन् ।
पुर्वााचलमा मात्रै आठ हजार पाँच सय बढी यौनीक तथा लैङ्गीक तथा यौनीक अल्पसंख्यकहरु सम्पर्कमा रहेको र उनिहरुले जनगणना जस्तो महत्वपुर्ण अभियानमा आफ्नो पहिचान लेखाउन नपाएको नीलहिरा समाज दमककी कार्यक्रम अधिकृत चाचला सुब्बाले बताउनु भएको छ ।
यौनिक तथा लैङ्गीक अल्पसंख्यक हरुको हक अधिकारका लागि कृयाशील यस संस्थाले यस बिषयमा जिल्ला जनगणना कार्यलय चन्द्रगढीमा सम्पर्क गर्दा त्यहाँ फोन उठाउने कर्मचारीले कुराकानी गर्दा आफुहरुको अपहेलना गरेको समेत सुब्बाले बताउनु भयो ।
पूरुष र महिला बाहेकको अन्य पहिचानको बिषयमा केहि लेख्न नमिल्ने बताएपछि आफुहरुको पहिचानको बिषयमा जानकारी गराउदा कर्मचारीले नसोध्नु पर्ने बिषय सोधेर हैरान पारेको समेत सुब्बाले बताउनु भयो ।
सुब्बाका अनुसार जनगणनाका कार्यलयका कर्मचारीले यौन आशययुक्त कुराहरु गरेर संबेदनशील अङ्गहरु तथा लिङ्ग हेर्ने भन्दै आफुहरुमाथि दुब्र्यवहार गरेको र भन्नै नमिल्ने शब्दहरु प्रयोग गर्दै यौन आशय राखेका थिए ।
दमकमा आफुहरुको कार्यलय रहेको र यहि आएर समेत धेरै साथीहरुको पहिचान सहितको गणनाहोस भनेर आफुहरुले प्रस्ताब गरेको बताउदै लैङ्गीक तथा यौनीक अल्पसख्यकको अधिकार शुनिश्चिताको माग रहेको उनिहरुले बताएका छन् ।
पहिलो चरणमा छुटेकाहरुको पहिचान सहितको नामवली जनगणनामा उल्लेख गर्नु पर्ने उनिहरुको मागको बिषयमा गणकहरुले यो आफुहरुको अधिकार बाहिरको कुरा भएको जनाइएको बताइएकोछ ।
जिल्ला जनगणना कार्यलय झापाका प्रमुख कपिलतिम्सिना यस बिषयमा बुझ्न बारम्बार मोबाइलमा सम्पर्क गर्दा समेत उहाँले फोन उठाउनु भएन ।जिल्ला जनगणना कार्यलयको फोनमा समेत सम्पर्क हुन सकेन ।