हात्तिले भत्कायो घर

काँकडभिट्टा, अषाढ २१ -
भारतीय जंगली हात्तिको एक झुण्डले सोमबार राति झापाको मेचीनगरनगरपालिका १० नकलबन्दा क्षेत्रका चार सर्वसाधारणको घर भत्काएको छ । करिव १० बजेतिर नकलबन्दा प्रवेश गरेको हात्ती समूहले स्थानीय रणबहादुर तामाङ, बलु उराउ, कुनिमा राजवंशी र श्याम थापामगरको घर भत्काएको हो । तामाङको घर भत्काउनुका साथै धान, मकैलगायतका अन्नबाली नष्ट गरेको थियो । उनको करिव ७७ हजार ३ सय रुपैयाँका अन्नबाली र घर नष्ट भएको इलाका प्रहरी कार्यालय काँकडभिट्टाले जनाएको छ । त्यस्तै उराउको घर भत्काएर लत्ता कपडासहित ८८ हजार वढीका क्ष्ाति भएको छ । राजवंशीको ४१ हजार र मगरको करिव ५ हजारको क्ष्ाति पुगेको पीडितलाई उद्धृत गर्दै प्रहरीले जनाएको छ ।