संविधानसभाको म्याद नथपे राष्ट्रले महंगो मुल्य चुकाउनु पर्ने उपराष्ट्रपतिको भनाई

विभिन्न क्षेत्रमा योगदान पुर्याएका झण्डै एक दर्जन ब्यक्तित्व सम्मानित
काठमाडौ, ९ जेठ । उपराष्ट्रपति परमानन्द झाले संविधानसभाको म्याद नथपे मुलुक प्रत्यक्ष भुठभेडमा जाने चेतावनी दिनुभएको छ ।

सोमबार मातृभूमि महिला समाजले विभिन्न क्षेत्रमा योगदान दिएका ब्यक्तित्वहरुको सम्मान गर्न आयोजित कार्यक्रममा बोल्दै उपराष्ट्रपति झाले त्यस्तो मुठभेडको अवस्थाबाट मुलुकले ठूलो मुल्य चुकाउनु पर्ने चेतावनी दिनुभयो ।
उहाँले दलहरुले सहमति गरेर मुलुकलाई मुठभेडबाट बचाउनु पर्ने भन्दै  संविधानसभाको म्याद थपको विकल्प नरहेको ठोकुवा गर्नुभयो । उहाँले अहिले दलहरुसँग म्याद थप्ने वा नथपेर मुलुकलाई भिडन्तमा लैजाने भन्ने बाहेक विकल्प नरहेको स्पष्ट पार्नुभयो ।
सो कार्यक्रममा  उपराष्ट्रपति झाले पत्रकारितमा महत्वपूर्ण योगदान दिएबापत रिपोर्टर्स क्लब नेपालका अध्यक्ष ऋषि धमला, कलाकारहरु सुनिल थापा, श्रीकृष्ण श्रेष्ठ, समाजसेवी विन्दु पहाडी, शान्ता मानन्धर, पिताम्बर प्रसाद बास्कोटा, कविरत्न शाक्य, चिकित्सक चन्दबहादुर विष्ट, भोला रिजाललगायतकालाई सम्मान गरिएको थियो ।
सम्मानित हुनेहरुको तर्फबाट आफ्नो धारणा राख्दै क्लबका अध्यक्ष धमलाले  दलहरुवीच सहमतिको विकल्प नरहेको भन्दै राष्ट्रपति र उपराष्ट्रपतिले गतिरोध अन्त्यकोलागी भूमिका लिनु पर्ने सुझाव दिनुभएको थियो ।
उहाँले शान्ति र संविधानको सुनिश्चिता हुने गरी सहमति गरेर संविधानसभाको म्याद थप्नु पर्ने बताउनुभएको थियो । उहाँल रिपोर्टर्स क्लब नेपालले अगामि बैशाख ११ गते अपरान्ह तीन बजे संविधानसभा अगाडि शान्ति सभा गर्ने घोषणा समेत सो अवसरमा गर्नुभएको थियो ।
धमलाले राष्ट्रपति र उपराष्ट्रपतिले भूमिका लिनु पर्ने दिएको अभिब्यक्तिलाई लिएर उपराष्ट्रपतिले अधिकार केही नदिने अनि भूमिका लिनु पर्ने भनेर सडक तताउने भन्दै प्रश्न गर्नुभएको थियो । उहाँले खोईत अधिकार भनेर प्रश्न गर्नुभएको थियो ।
कार्यक्रममा राप्रपाका महामन्त्री ध्रुबबहादुर प्रधान  सहमति गरेर संविधानसभाका म्याद थप्नु को विकल्प नभएको बताउनुभएको थियो ।
आयोजक संस्थाकी अध्यक्ष सरस्वती खनाल पौडेलले आफ्नो संस्थाले समाजमा राम्रो काम गर्नेलाई उत्साहीत पार्न र महिलाहरुको क्षमता अभिबृद्धि गर्न अभियान चलाउने  प्रतिबद्धता गर्नुभएको थियो ।