होटलवाट दुई लाख चोरेर भग्न खोज्ने पक्राउ

झापा जेष्ठ ९/ झापाको काकरभिट्टा स्थित गोर्खा सैनिक होटलवाट दुई लाख रुपैया चोरेर भग्न खोज्ने एक व्यक्तिलाई प्रहरीले पक्राउ गरेको छ ।

होटलको गल्लामा रहेको २ लाख रुपैया लिएर भाग्न खोज्ने रामेछाप खानीवेसी घर भई हाल काठमाण्डौ स्थित कपन वस्दै आएका २० वर्षीय रुपेश कार्कीलाई प्रहरीले आज दिउसो पक्राउ गरेको हो ।
कार्कीले विहान होटलवाट पैसा चारी नजिकै रहेका साथिलाई राख्न दिएको र झोला लिन पुन होटल आएका वखत आफुले संका लागि सोधपुछ गर्दा उनलेनै रकम चोरेको थाहा भएको होटलका सञ्चालक राजु लामाले जानकारी दिनुभयो ।कार्की सोहि होटको कोठा नम्वर १ सय ४ मा विगत ४ दिन देखि वस्दै आएका थिए ।
कार्कीले आफुलाई माइती नेपालको कर्मचारी रहेको र काकरभिट्टा स्थित कार्यालयमा तालिमका लागि आएको वताउने गरेका थिए ।पक्राउ परेका कार्किलाई हाल इलाका प्रहरी कार्यालय काकरभिट्टामा राखि अनुसन्धान सुरु गरीएको प्रहरीले जनाएको छ ।