थापा भन्छन् - "नयाँ चुनाव अनिवार्य छ "

राप्रपा नेपालका अध्यक्ष कमल थापाले वर्तमान संबिधान सभाको समय सकिन लागेकाले नयाँ निर्वाचन गरिनु पर्ने बताउनु भएको छ ।
झापाको दमकमा हिजो मंगलबार कार्यकर्ता भेलालाई सम्बोधन गर्दै उहाँले राजा सहितको प्रजातन्त्र विना नेपालको राष्ट्रियताको रक्षा नहुने बताउनभयो । सो क्रममा उहाँले शान्ति र प्रजातन्त्रका लागि राप्रपा नेपालले देशब्यापी जनसंघर्ष अभियान समेत शुरु गरेको उल्लेख गर्नुभयो । पार्टीका नगर अध्यक्ष धनबहादुर श्रेष्ठको अध्यक्षतामा भएको कार्यक्रममा पार्टीका सहअध्यक्ष पदमसुन्दर लावती, संसदिय दलका नेता चन्द्रबहादुर गुरुङ्, केन्द्रिय सदस्यहरु राजेन्द्र लिङ्देन, घनेन्द्र सुव्बा लगायतले बोल्नु भएको थियो ।