वृद्धा, एकल महिला र अपांग सम्मानित

दमक/- झापाको दमक र तोपगाछीमा भएको अलग-अलग कार्यक्रममा समाजका वृद्धवृद्धा, एकल महिला र अपांगलाई सम्मान गरिएको छ । मातातिर्थ औंसीको अवसरमा सोमबार समाजका तीन दर्जन बढीलाई प्रशंसापत्र र दोसल्ला ओढाएर सम्मान गरिएको हो । 

सम्मानित हुनेहरूमा सय बर्षिय  नन्दकुमारी अधिकारी, ९२ बर्षिय नरबहादुर पौडेल र दलितबाट ९० बर्षिया पूर्णमाया शंकर रहेका छन् । कार्यक्रममा ५० जनाभन्दा बढी वृद्धवृद्धाहरूको उपस्थिति थियो । नेपाल कम्युनिस्ट पार्टी माले दमक नगर समिति- १३ ले आयोजना गरेको कार्यक्रममा  एमाले जिल्ला कमिटी सदस्य राजेन्द्र दाहाल क्षेत्रीय सदस्य होमबहादुर थापा, नगर अध्यक्ष अम्बिका खनाल उप्का नेपालका जीवन नेपालीलगायत राजनीतिक दलका प्रतिनिधहरूको उपस्थिति रहेको थियो । कार्यक्रम वडा कमिटीका अध्यक्ष हर्रि्रसाद न्यौपानेको अध्यक्षतामा सम्पन्न भएको थियो । यसैबीच सोमबार नै हरिकिर्तन मुक्तेश्वर शिवालय सञ्चालक समिति तोपगाछी-७ झापाले पनि समाजका १६ वर्षाथिका पाँच जना अपांग, ७५ वर्षाथिका २१ जना वृद्धद्दवृद्धा र ६० वर्षाथिका २० जना एकल महिलालाई सम्मान गरेको हो । कार्यक्रमका प्रमुख अतिथि पण्डित दुर्गाप्रसाद खतिवडाले प्रशंसापत्र फूलमाला र खादा ओढाएर सम्मान गरिएको थियो भने फलफूलसमेत वितरण गरिएको थियो । पण्डित दुर्गाप्रसाद खतिवडाले वृद्धवृद्धाहरूको सम्मान गर्न सके आफ्नो दुःख कष्ट नाश भएर जाने धर्मशास्त्रमा उल्लेख भएको बताएका छन् ।