विशेष अन्तरवार्ता झक्कु प्रसादलाई झापड हान्ने प्रेमराजसँग

प्रेमराज देवकोटा, सभासदलाई झापड हान्ने व्यक्ति

सुनसरीका देवीप्रसाद रेग्मीले एमाले अध्यक्ष झलनाथ खनाललाई झापड हानेको चर्चा सेलाएको छैन । झापड हान्ने रेग्मी प्रहरीकहाँ तरेख धाइरहेका छन् । देश विगारेको भन्दै खनाललाई झापड हानेको केही महिनामै संविधान नबनाएको भन्दै एक सभासदले फेरि झापड खाएका छन् । सभासद झक्कुप्रसाद सुवेदी (जो माधव नेपाललाई काठमाडौंबाटै हराएर चर्चामा आएका थिए) लाई सोमबार काठमाडौंमा कफी पसल चलाएर बसेका गोर्खाका प्रेमराज देवकोटाले झापड हानेका छन् । उनै दवकोटासँग गरिएको कुराकानीको संक्षेप 

किन झपड हान्नु भएको ?

२ वर्षमा बन्ने भनेको संविधान तीन वर्ष हुँदा पनि बनेन बाबु । खाका काटाकाट मारामार मात्र गर्छन्, मिल्नु छैन । नेपाल आमाका छाना छोरा छोरीको भविश्य के छ यहाँ ? मलाई साह्रै आत्मा दुख्यो । त्यै भएर उनीहरुले राष्ट्रलाई घात गर्न पाउँदैनन भनेर झापड हाने ।

अब तपाईलाई कारवाही हुन्छ नि ?

मलाई यहाँ घाटी समाउँदै गोली हान्ने हो भने पनि म मर्न तत्पर छु । देश जोगिन्छ भने, नेपाल आमाको राम्रो हुन्छ भने म गोली खान तयार छु । नेपाल आमाको छोरा हुँ ।

संधै आइरहनु हुन्थ्यो उहाँ ? 

आउनु हुन्नथ्यो । मैले नै बोलाएको हुँ । उहाँ मेरो आफ्नै सभासद हो । मैले बोलाएर चिसो तातो के खानु हुन्छ भनेर सोधे, उहाँले खान्न भन्नुयो । त्यसपछि मैले कापी ल्याएर म जेठ १४ गते संविधान बनाउछु भनेर लेख्नुस कि बनाउन्न भनेर लेख्नुस भने । उनी उहाँले बन्दैछ भन्नेपछि मलाई परो चढ्यो । त्यसपछि मैले सरसरति प्रश्नहरु राखे, तपाई हाम्रो क्षेत्रबाट जितेको सभासद, शान्ति र संविधान हुँदैछ, हुँदैछ मात्र भन्नुहुन्छ । हली हो पनि भन्नुहुन्छ । अब ढुङ्गोमा हलो अड्केपछि के हुन्छ ? खाल्टोमा पर्न लागेपछि के गर्नु हुन्छ ? भनेर सोधे । त्यसपछि उहाँले जसरी पनि गोरु र्फकन्छ भन्नु भो । त्यसपछि मेरो पालो गोरु र्फकने होइन तपाईले गोरुको पुच्छर निमोठ्नु हुन्छ, अनि गोरुले यसरी हान्छ भनेर दुइर्ए झपड दिए ।

तपाईको झपडले शान्ति र संविधान बन्न छ त अब ?

शान्ति र संविधान नबनोस, मेरो आत्माले शान्ति त पायो । मानव जातिमा चेतना हुनुपर्छ ।

चर्चा पाउन झपड हान्नु भएको हो कि ?

बाबु, मेरो फोटा नहाल । समाचार नबनाउ । तपाई पत्रकार हुनुहुन्छ तपाईले त्यसो भन्नु होला । त्यो गलत हुन्छ । मलाई चर्चाको कुनै शोख छैन ।

तपाईले झापड हानेपछि उहाँले के भन्नुभो ?

उहाँले केही गर्नु भएन, केही गर्न मानस पटलले दिएन, अनि मैले यो झपड ६ सय १ सभासदलाई सुनाइदिने भने । जेठ १४ पछि संविधान भनेन भने तिमीहरु नेपाल आमाका प्यारासाईट हुन भनेर मैले भने ।

अरुलाई छाडेर किन उहाँलाई नै झपड हानेको ?

उहाँ मेरो आफ्नै सभासद हो उहाँ । पसल बन्द गरिगरि गएर भोट हालेको छु । हामीले जिताएको सभासद हो ।

तपाई कुनै पार्टीमा हुनुहुन्छ ?

म कुनै पार्टीमा छैन । म नेपाल आमाको सन्तान हुँ ।