बलात्कार गरेको आरोपमा उजुरी

महारानीझोडा गाविसकी ७ वर्षीया बालिकालाई सोही स्थानका ६६ वर्षीय वृद्धले बलात्कार गरेको भन्दै बालिकाका परिवारले इलाका प्रहरी कार्यालय दमकमा दिएका छन् ।

पीडित बालिकालाई आरोपित मानबहादुर मोक्तानले ०६८ वैशाख २ गते घरैमा गई बलात्कार गरेको उजुरीमा उल्लेख गरिएको छ । उक्त घटनालाई स्थानीय बासिन्दाहरूले गाउँघरमै पैसा लेनदेन गरी मिलाउन खोजेको र नमिलेपछि प्रहरीमा आएको इन्स्पेक्टर नविन कार्कीले बताएका छन् ।

पीडित बालिकालाई ०६८ वैशाख १८ गते मेची अञ्चल अस्पताल भद्रपुरमा जाँच गरी आवश्यक अनुसन्धान अघि बढाइएको इन्स्पेक्टर कार्कीले बताएका छन् । गाउँघरमा मुद्दा मिलाउन खोज्ने व्यक्तिहरू बारेमा पनि अनुसन्धान भइरहेको र उनीहरू पनि दोषी देखिए कारबाही गरिने प्रहरीले बताएको छ । आरोपीलाई हाल दमक प्रहरीको हिरासतमा राखिएको कार्कीले बताएका छन् ।