कोईराला भन्छन् शान्तिप्रक्रिया नटुङ्गिएसम्म संविधान बन्दैन

सुव्रत न्यौपाने

झापा १९ वैशाख 

कांग्रेस सभापति सुशील कोइरालाले शान्तिप्रकि्रया नटुंगिएसम्म नयाँ संविधान नबन्ने दाबी गरेका छन् । कांगे्रसले सुरु गरेको राष्ट्रव्यापी जनजागरण अभियानका क्रममा शनिबार झापाको बिर्तामोडमा आयोजित आमसभामा सभापति कोइरालाले शान्तिप्रकि्रयालाई निर्णायक बिन्दुमा नपुर् याएसम्म संविधान बन्न नसक्ने दाबी गरेका हुन् । 

"माओवादी लडाकु समायोजन र पुनस्र्थापना नभएसम्म संविधान जारी गर्नुको अर्थ छैनु कांग्रेस सभापति कोइरालाले भने -यदि यो काम अझै नटुंग्याउने हो भने जनआन्दोलनका सबै उपलब्धि समाप्त हुनेछन् ।" १४ जेठपछिको परिस्थिति कल्पना पनि गर्न नसकिने बताउँदै उनले माओवादी इमानदार भइदिए शान्तिप्रकि्रया र संविधान निर्माण सात दिनभित्र निष्कर्षमा पुग्ने दाबी गरे । 

शान्ति र संविधानप्रति पछिल्लोपटक माओवादीले पारित गरेको नयाँ कार्यनीतिले आफूहरुलाई आशावादी बनाएको टिप्पणी गर्दै सभापति कोइरालाले माओवादीले विगतमा जस्तै बेइमानी र जनताका आँखामा छारो हाल्दै गए १० वर्षमा पनि शान्तिप्रकि्रया पूरा नहुने जिकिर गरे । माओवादीले सर्वसत्तावादी शासन व्यवस्था लागू गर्ने सपना देखेको बताउँदै उनले त्यसलाई कुनै पनि हालतमा पूरा हुन नदिने दृढता व्यक्त गरे । 

"सर्वसत्तावाद लाद्न खोज्दा हिजो राणाहरु जसरी तह लागे माओवादीलाई पनि कांग्रेसले त्यसैगरी तह लगाएर देखाइदिन्छु उनले चेतावनीयुक्त स्वरमा भने-जंगलबाट बन्दुक बिसाएर आउँदा आफ्नो हालत के थियो माओवादीले विचार गरोस् ।" उनले वर्तमान सत्ता गठबन्धनका विषयमा भने केही बोलेनन् । 

सभाका अर्का वक्ता नेता शेरबहादुर देउवाले माओवादीविना शान्तिप्रकि्रया पूरा नहुने भएकाले यसका लागि उसको इमानदारी प्राथमिक सर्त भएको बताए । आफूलाई मालिक सम्झने माओवादी रवैयाले संकट निम्त्याइरहेको आरोप लगाउँदै उनले शान्ति र संविधानप्रतिको पछिल्लो माओवादी प्रतिबद्धतालाई लक्षित गर्दै भने 'यदि यो रणनीति होइन भने माओवादीसँग अझै आशा गर्न सकिने ठाउँ बाँकी छ ।'उनले लडाकुको समायोजन र पुनस्र्थापना वाइसिएलको विघटन र कब्जा सम्पत्ति फिर्ता गर्न माओवादी तयार नभएसम्म शान्तिप्रकि्रया निष्कर्षमा नपुग्ने दाबी गरे । 

उपसभापति रामचन्द्र पौडेलले संघीय लोकतान्त्रिक गणतन्त्रभन्दा बाहिर गएर कांग्रेसले कुनै सम्झौता नगर्ने बताए ।'गिरिजाबाबुलाई धोका दिएजस्तो फेरि धोका दिन सकिन्छ भनेर माओवादीले नठाने हुन्छु उनले भने 'माओवादीको पछिल्लो निर्णयको परीक्षा हुन बाँकी छ जनताले आफै फैसला गर्छन् ।' उनले सातबुँदे षड्यन्त्रमूलक सम्झौताबाट बनेको सरकार लामो समय नटिक्ने भन्दै एमालेको चरम अस्वाभाविक व्यवहारले मुलुकलाई निकास दिन नसकेको दाबी गरे । उनले कांग्रेसको अगुवाइविना शान्ति र संविधानले गति नलिनेसमेत दाबी गरे । 

आमसभामा महामन्त्रीद्वय प्रकाशमान िसंह कृष्णप्रसाद सिटौला नेत्री सुजाता कोइराला नेपाल विद्यार्थी संघका पूर्वसभापति विश्वप्रकाश शर्मासहित दुई दर्जन केन्द्रीय सदस्यले बोलेका थिए । 

आमसभाका केही झलकहरु