विर्मशले त्यागे क्रान्तिकारी

क्रान्तिकारी पत्रकार संघ झापाका सदस्य विमर्श उप्रेतीले संघ परित्याग गरेको घोषणा गरेका छन । उप्रेतीले आज एक विज्ञप्ति जारी गर्दै आफू संघको साधारण सदस्य समेत नरहने गरी सम्पूर्ण साङ्गठानिक जिम्मेवारी परित्याग गरेको घोषणा गरेका हुन् ।

नेपाल पत्रकार महासंघ झापा शाखाको साधारण सदस्य समेत रहेका उप्रेतीले पत्रकारीता सम्बन्धी पेशागत संस्थाको नाममा दलीय समर्थनमा लेख्ने पत्रकारलाई राजनितिक दलले गोलबद्ध बनाएको र त्यसवाट मुलुकको सञ्चार जगत स्वतन्त्रताका दृष्टिले कमजोर बन्दै गइरहेको विज्ञप्तिमा उल्लेख गरेका छन् ।
त्यस्तै उनले आगामी दिनमा कुनै दलको विशेष मुखपत्रमा संलग्न नभई सर्वमान्य सिद्धान्तलाई आत्मसात गर्दै राज्यको चौथो अङ्गको गरिमालाई उच्च राख्ने समेत बताएका छन् ।