एन्फा झापा लिग
मेची फुटवल क्लव काकरभिट्टा र प्रतिभा युवा क्लव चारालीले अखिल नेपाल फुटवल संघको कार्यायोजना अन्तरगत झापाको विर्तामोडमा जारी “एन्फा रेडवुल झापा लिग २०६८” फुटवल प्रतियोगीतामा विजयी सुरुवात गरेका छन ।
अनारमनी स्थित डोमालाल राजवंशी रङ्गसालामा आज भएको पहिलो खेलमा मेची हेल्थ क्लव इटाभट्टालाई २-१ गोल अन्तरले पराजीत गर्दै काकरभिट्टाले विजयी सुरुवात गरेको हो ।
काकरभिट्टाको जितका लागि चेतराज चेम्जोङले खेलको २१ औं र हेमराज पौडेलले ४४ औं मिनेटमा गोल गरे ।इटाभट्टाका दिपक गिरीले खेलको ७० औ मिनेटमा सान्त्वना गोल फर्काए ।
त्यस्तै आजै भएको दोस्रो खेलमा प्रतिभा युवा क्लव चारालीले कटरडाँगी स्पोर्टिङ क्लव चकचकीलाई १ का विरुद्ध दुइ गोलले पराजित गर्यो ।खेलको छैटौं मिनेटमा धर्म श्रेष्ठको गोलवाट कटरडाँगीले अग्रता लिएपनि प्रतिभाका इन्द्रहाङ लिम्वुले ७६ औं मिनेट र सन्तोस लिम्वुले ७८ औं मिनेटमा गोल गरी टिमलाई जित दिलाए ।
यसअघि प्रतियोगिता अन्तरगत हिजो श्रीजंघा स्पोर्टिङ क्लवलाई २-० ले हराउँदै ध्रुवतारा स्पोर्टिङ क्लव दमकले विजयी सुरुवात गरेको थियो भने दोस्रो खेलमा विर्तामोड युथ क्लव र रक्षा नेपाल क्लव डाँगीवारीले १-१ को वरावरी खेलेका थिए ।
झापा जिल्ला फुटवल संघको आयोजनामा गत वैसाख १० गतेदेखि सुरु भएको प्रतियोगितामा झापाका २४ वटा फुटवल टिम सहभागि छन् । विभिन्न छ वटा समुहमा जारी प्रतियोगीतामा प्रत्येक समुहको विजेता र उपविजेता अघिल्लो चरणमा प्रवेश गर्नेछन् ।उक्त प्रतियोगीताको विजेताले नगद ३० हजार तथा उपविजेताले नगद १५ हजार सहित सिल्ड, ट्रफि तथा प्रमाणपत्र प्राप्त गर्नेछन् ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...