रेडियो पाएर दङ्गभए स्थानीयबासीहरु {फोटो फिचरसहित}

दमक बैशाख ७

सप्तरंगी एफ.एम १०१ दशमलब ६ मेर्घाहजले आफ्नो पाँचो बार्षिकोत्सव विभिन्न कार्यकमको आयोजना गरी मनाईरहेको छ । 

यसैक्रमआज र अतिविपन्न उराव वस्तिका १५ घरपरिवारलाई रेडियो वितरण गरिएको छ । रेडियो कार्यक्रमको उत्पादनको क्रममा दमकमा बसोबास गरिरहेका सामाजिक, आर्थिक तथा शिक्षाको पहुँचबाट पछाडी रहेका सिमान्तकृत उराव जातिको समुदायमा रहेका बासिन्दाहरुको जीवनस्तर उकास्न यसले निकै सहयोग पुग्ने विश्वास लिइएको छ । 

दैनिक रुपमा पत्र–पत्रिका किनेर पढ्न नसक्ने र अशिक्षाका कारण पत्रिका पढ्न समेत नजान्ने अझैपनि यही समाजमा रहेकाले यो रेडियो वितरण कार्यकम ल्यायएको एम.का सामुदायीक विभाग प्रमुख विष्णुप्रसाद पोखरेलले मेचीनगर अनलाईनलाई बताएका छन् । 

रेडियो वितरण कार्यक्रम इलाका प्रशासन कार्यलय दमकका प्रमुख यज्ञ आचार्यको प्रमुख आतिथ्यमा भएको थियो । दमक नगरपालिका सामाजिक विकास अधिकृत डम्बर बराल,पत्रकार महासंघ झापा शाखाका पुर्व अध्यक्ष मोहन काजी ,पाथिभरा एफ.एम.का प्रबन्ध निर्देशक राजेन्द्र चौलागाइ ,सप्तरङ्गी एफ.एम.संचालक समितीका अध्यक्ष मेहेरमान लिङ्गदेन,जन सम्पर्क प्रमुख गंगा ढकाल ,प्रबन्ध निर्देशक गिरीराज भट्टराइ लगायतको उपस्थितीमा रेडियो बितरण गरिएको थियो ।

आजभन्दा ५ वर्ष अगाडी अर्थात २०६४ बैशाख १ गते झापाको दमकबाट सप्तरंगी एफ.एम ले आफ्नो नियमित प्रशारण सुरु गरेको थियो । प्रशारणकालदेखि नै समुदायमा आधारित रहेर विभिन्न कार्यक्रम उत्पादन तथा प्रशारण गर्दै आएको छ ।