गाँजासहित महिला पक्राउ

सशस्त्र प्रहरीले ठूलो परिमाणको गाँजाहित एक महिलालाई मेची राजमार्गअन्तर्गत पुवाखोला-बिब्लाँटे खण्डबाट सोमबार पक्राउ गरेको छ　। पाँचथरबाट झापातर्फ लैजाँदै गरिएको अवस्थामा २० किलो गाँजासहित पाँचथर नवमीडाँडा गाउँ विकास समितिकी ४७ वर्षीया कविता नेम्वाङ पक्राउ परेकी हुन्　।

अदुवा रहेको बोरामा हालेर लुकाई मे२च १३१४ नम्बरको बोलेरो गाडीमा लैजाँदै गरिएको अवस्थामा गाँजासहित महिला पक्राउ परेको इलामका सशस्त्र प्रहरी नायव उपरीक्षक किरण ढुंगानाले बताए। गाँजा बोक्ने सवारी साधनलाई पनि भागेर जाँदै गरेको अवस्थामा फिक्कलस्थित सशस्त्र प्रहरीले पक्राउ गरेको छ　। पक्राउ परेकी महिला गाँजा तस्करको भारी ओसार्ने काम गर्दै आएको हुनसक्ने प्रहरीले अनुमान गरेको छ

　। यो घटनाको अवस्था हेर्दा पाँचथर र ताप्लेजुङबाट मेची राजमार्गको इलाम हुँदै ठूलो परिमाणको गाँजा सीमावर्ती पशुपतिनगर तथा झापातर्फ जाने गरेको हुनसक्ने प्रहरी उपरीक्षक ढुंगानाले बताए　। पक्राउ परेकी महिलालाई सोमबार साँझ जिल्ला प्रहरी कार्यालयमा बुझाइएको छ　।

Via Source:- Nayapatrika