सञ्जीव चापागाई /झापा
सामाजिक सुरक्षा र ज्याला वृद्धिको माँग गर्दै आन्दोलन गरीरहेका चिया मजदुरहरुले केही दिन देखी देशभरका सम्पुर्ण चिया प्रशोधन कारखानाहरु अनिस्चित कालका लागि वन्द गराएका छन । अन्य मजदुर सरह न्युनतम ज्याला २ सय २६ रुपैया पउनु पर्ने, अवकाश प्राप्त मजदुरहरुले २० हजार पाउदै आएको सिलिङ हटाउनुपर्ने, सञ्चयकोष वृद्धि गरिनुपर्ने लगायतका माँग गर्दै चिया मजदुरहरु आन्दोलनमा उत्रिएका हुन ।
झापामा मात्र २ दर्जनको हाराहारीमा चिया प्रशोधन कारखाना र साना ठुला गरी ६० भन्दा वढी चिया वगानहरु रहेका छन भने त्यसमा कार्यरत १५ हजार भन्दा वढी मजदुरहरु आन्दोलनवाट प्रत्यक्ष प्रभावित भएका छन । त्यस्तै मेची अञ्चलका झापा, इलाम र पाचथरमा गरी ४० वढी चिया कारखानमा र त्यतिकै संख्याका वगानमा गरी ४५ हजार वढी मजदुर कार्यारत रहेको मजदुर नेता दिपक तामाङले जानकारी दिनुभयो । उहाका अनुसार देशभर दैनिक ५ लाख केजी हरियो लचिया चिया कारखानले भित्राउदै आएका छन।यस अघि चिया क्षेत्रमा देखिएका समस्या तत्काल समाधान गर्न माग राख्दै ४८ घण्टे अल्टिमेट्मसहित चिया मजदुर संगठनहरूले नेपाल चिया उत्पादक संघलाई ज्ञापनपत्र बुझाएका थिए । मजदुरहरूको माग पूरा नभएकाले चिया कारखाना र बगानमा आम हड्ताल सुरु गरेका मजदुरहरूले जनाएका छन् । काम ठप्प पारेका मजदुरहरुले सम्पुर्ण चिया कारखाना आगाडी प्रदर्शन समेत गरेका छन ।
चिया मजदुरहरूको सामाजिक सुरक्षाको ग्यारेण्टी हुनुपर्ने, राज्यद्वारा निर्धारित दैनिक ज्यालादर पाउनुपर्ने लगायत २८ सूत्रीय माग राखेर अखिल नेपाल चिया मजदुर संघ, नेपाल स्वतन्त्र चिया मजदुर युनियन र नेपाल चिया बगान श्रमिक संघ सम्वध चिया मजदुरहरू स्वतन्त्र रुपमा आन्दोलनमा उत्रिएको अखिल नेपाल चिया मजदुर संघका अध्यक्ष भूपाल सापकोटाले बताउनुभयो ।
नेपाल उद्योग वाणिज्य संघ र ट्रेड युनियनहरूको बीचमा भएको सहमति कार्यान्वयन हुनुपर्ने श्रमिकहरूको माग छ । सहमति अनुसार दैनिक ज्यालामा काम गर्ने ज्यालादारीलाई दुर्इ सय २६ रूपैंया र मासिक काम गर्नेलाई मासिक छ हजार एकसय उपलब्ध गर्नुपर्ने माग राख्दै मजदुरहरूले आन्दोलन थालेका हुन् ।
मजदुरहरुले आन्दोलका कार्यक्रम अनुसार यस अघि चिया वगानका कर्मचारी र मजदुरले कालोपट्टी वाधेर काम गर्ने, प्रतिष्ठानको कार्यालय अगाडी कालो भण्डा र व्यानर टाग्ने, प्रतिष्ठानमा कोणसभा र नाराजुलुस गर्ने, राजनिथिक दल, सामाजीक संघ संस्थाहरुसंग भएको मागका सम्वन्धमा अन्रकृया र छलफल गर्ने र आन्दोलप्रति र्समर्थन जुटाउने तथा चैत्र २४ देखि ३० गते सम्म दैनिक एक घण्टा काम घटाउदै लैजाने लगायतका कार्यक्रम गरेका थिए भने दुइ दिन अघि वैशाख २ गते चिया उत्पादक संघमा २४ घण्टे अल्टिमोटम वुझाएका थिए ।
यस अघि चैत्र ८ र १७ गते चिया उत्पादक संघ संग आन्दोलनरत तिनवटै मजदुर संघका प्रतिनीधि विच भएको वार्ता विना निष्कर्षटुङ्गिएको थियो । यसैविच उद्योगीले राजनितिक दलको आग्रहलाई वेवास्था गरेकाले राजनितिक दलले पनि मजदुरको आन्दोलन प्रति एक्यवद्धता जनाएको एकीकृत माओवादीका झापा सेक्रेटरी अग्निले जानकारी दिनुभयो ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...