मजदुर दिवसमा सांस्कृतिक कार्यक्रम हुने

क्वालालम्पुर मलेसिया ।
नयाँ बर्ष तथा अन्तराष्ट्रिय मजदूर दिवसको अवसर पारेर मलेसियाब्यापि सांस्कृतिक कार्यक्रम हुने भएको छ । आदर्श युवा समूहको आयोजनामा हुन गईरहेको कार्यक्रम मलेसियाको जोहोर राज्य, मलक्का राज्य, क्वालालम्पुर र पेनाङ गरी भिन्न भिन्न समय र मितिमा आयोजना हुने भएको हो । नेपालका सर्वाधिक लोकप्रिय महिला गायीका अन्जु पन्त, सर्वाधिक लोकप्रिय पुरुष गायक दीपक लिम्बु, पुर्वेली लोक तथा आधुनीयक गायीका जसोदा लिम्बु, पश्चिमेली लोक गायक खुमन अधिकारी, जनवादी गायक माईला लामा, लोकप्रिय नायीका युना उप्रेती लगायतका कलाकारहरुको उपस्थितिमा उक्त सांस्कृतिक कार्यक्रम हुन गईरहेको कार्यक्रम संयोजक दिनेश कार्कीले बताए ।

यसैगरी नेपाल पर्यटन बर्ष २०११ लाई समेत सो कार्यक्रमले सहयोग गर्ने भएको छ । नेपाल पर्यटन बोर्ड, नेपाल पर्यटन मन्त्रालयले समेत सो कार्यक्रमलाई प्रायोजन गरेका छन् । कार्यक्रम आउँदो मे महिनाको १ तारिख देखि १७ तारिखसम्म सञ्चालन हुने जनाईएको छ । कार्यक्रमलाई नेपाली खबर साप्ताहिक, श्रमबोध मासिक, मेचीनगरअनलाई, लगायतका सञ्चारमाध्यमहरुले प्रचारप्रसार गरिरहेका छन् ।