अभिनेत्री शान्ति मास्केको निधन

बरिष्ठ अभिनेत्री शान्ति मास्केको मंगलबार राती निधन भएको छ । मुटुको रोगको उपचारका क्रममा गंगालाल राष्ट्रिय हृदय केन्द्र बाँसबारीमा मास्केको निधन भएको हो ।

मास्केको पार्थिव शरिरलाई श्रद्धान्जलीका लागि प्रज्ञाप्रतिष्ठान कमलादीमा राखिएको छ । चलचित्र व्यक्तित्वहरुले प्रतिष्ठानमा पुगेर मास्केलाई श्रद्धान्जली व्यक्त गरेका छन् ।

२०२३ सालमा 'हिजोआज भोली' चलचित्रबाट अभिनय थालेकी मास्के दुइदशकअघि 'सन्तान' चलचित्रको छायांकनको क्रममा दुर्घटनापछि पेसमेकर दिइँदै आइएको थियो । छोरी लतिकासँग राजधानीको भैंसेपाटीमा बस्दै आएकी मास्केका श्रीमान वीरबहादुरको २०३४ सालमा निधन भएको थियो ।

कान्छी, जीवनरेखा, सिन्दुर, सन्तानजस्ता लोकप्रीय चलचित्रमा मास्केको जीवन्त अभिनय देख्न पाइन्छ । पछिल्लो समय अस्वस्थताले अभिनयबाट टाढिँदै थिइन उनी । उनको निधनको दुइदिनअघि मात्र अर्का लोकप्रीय गायक कुमार कान्छाको निधन भएको थियो । यसको केही महिनाअघि कलाकार गोपाल भुटानीको देहान्त भएको थियो ।

प्रधानमन्त्रीद्धारा मास्केलाई श्रद्धान्जली

प्रधानमन्त्री माधवकुमार नेपालले प्रज्ञाप्रतिष्ठान पुगेर अभिनेत्री शान्ति मास्केको पार्थिव शरिरमा श्रद्धान्जली अर्पण गरेका छन् । मास्केको शवमा पुष्पगुच्छा चढाउँदै नेपालले मास्केको निधनले नेपाली सिनेमा क्षेत्रमा अपुरणीय क्षति पुगेको उल्लेख गरे ।

संचारमन्त्री शंकर पोखरेल, कलाकर्मी, दलका नेताहरु, सभासद र सिनेमा व्यक्तित्वहरुले पनि मास्केलाई अन्तिम श्रद्धान्जली व्यक्त गरे । संचारमन्त्री पोखरेलले मास्केको निधन नेपाली कलाकारिताका लागि दुःखद भएको बताए । कुनैसमय आफूपनि मास्केको अभिनयको प्रशंसक रहेको पोखरेलले अनुभव सुनाए ।

   Heartfelt Codolence To

Actress Shanti Maske 


Mechinagar online Family. 

Keep On Visiting us we are going to Give more and more information  about her.