पुर्वाञ्चल स्तरीय भलिवल प्रतियोगिता हुने

सञ्जीव चापागाई

धाइजन सरेडाँगी युवा परिवारको आयोजनामा पुर्वाञ्चल स्तिरीय भलिवल प्रतियोगिता हुने भएको छ । आगामी माघ १६ गते शहिद दिवसवाट सुरु भएर २२ गते सम्म चल्ने उक्त प्रतियोगितामा पुर्वाञ्चलका १६ वटा टिमले सहभागिता जनाउने आज आयोजीत पत्रकार सम्मेलनमा जानकारी गराइयो ।

 'भिजन २०२० राष्ट्रिय गौरव तथा स्वास्थ्य नागरिकका लागि खेलकुद" भन्ने मुल नाराका साथ हुन लागेको उक्त खेलमा विजेता टिमलाई ३१ हजार ,ट्रफि, मेडल र प्रमाणपत्र तथा उपविजेतालाई १५ हजार रुपैया सहित ट्रफि र प्रमाणपत्र दिइने आयोजक संस्थाका संयोजक कालु मेचेले जानकारी दिनुभयो । नेपाल पर्यटन वर्ष २०११ लाई सफल बनाउन सहयोग पुर्‍याउने उद्देश्यले आयोजना गर्न लागिएको प्रतियोगीता नेपाल भलिवल संघको नियम अनुसार खेलाइने सचिव भिष्म पौडेलले जानकारी दिनुभयो । स्थानीय सरस्वती वालकल्याण माविको प्राङगणमा हुन लागेको प्रतियोगितामा प्रवेश निशुल्क गरिएको छ । स्थानयि स्तरबाट रकम संकलन गरी करिव एकलाख सत्तरी हजारको बजेटमा हुन लागेको प्रतियोगीतामा पाँच हजार रुपैया भन्दा माथी रकम प्रदान गर्नेलाई कदर पत्रद्वारा सम्मान गरीने छ भने एघार सयभन्दा माथि सहयोग गर्नेलाई प्रसंसा पत्र प्रदान गरीने प्रचार संयोजक विष्णु रिमालले जानकारी दिुनुभयो ।