नेपाल अनलाइन पत्रकार संघ विकिलिक्सको पक्षमा

काठमाडौँ, मंसिर २४ (नागरिक)- नेपाल अनलाइन पत्रकार संघ (ओजान) ले विकिलिक्सका संस्थापक जुलियन असान्जमाथिको कारबाही राजनीतिक पूर्वाग्रह प्रेरित नगरी अभिब्यक्ति स्वतन्त्रताको विश्वव्यापी मान्यताको कदर गर्न आह्वान गरेको छ।
संघका अध्यक्ष केपी ढुंगानाद्वारा आज जारी वक्तव्यमा भनिएको छ-कुनै पनि बहानामा इन्टरनेटको माध्यमबाट निर्वाध रुपमा सूचना सम्प्रेशण गर्न पाउने विश्वव्यापी लोकतान्त्रिक मान्यता यस घटनावाट प्रभावित हुनहुन्न भन्ने संघको ठहर छ।

संघले विकिलिक्सका समर्थकहरुले विभिन्न साइटहरुमा गरेको आक्रमणको पनि  निन्दा गरेको छ।

विकिलिक्सको समर्थनमा नेपाली पत्रकारको कुनै पनि संघले विज्ञप्ति जारी गरेको यो पहिलो घटना हो। अनलाइन पत्रकार संघ नेपाल पत्रकार महासंघमा आवद्ध अनलाइन पत्रकारहरुको समूह हो।