काठमाडौ, पुस १ - तारा एयरको दुर्घट्नामा परि मृत्यु हुने सबै १९ जना यात्रु भूटानी नागरिक रहेको खुल्न आएको छ । उनीहरु सबै खोटाङको हलेसीमा तिर्थ यात्रा गरेर आएका थिए । तारा एयरको ९ एन-एएफएक्स नम्बरको जहाज बुधबार खोटाङको लामीडाँडाबाट काठमाडौं आउने क्रममा हराएको थियो । बिहीबार बिहान उक्त विमान ओखलढुङ्गामा दुर्घट्ना ग्रस्त भएको थियो । त्यसमा तीन चालक दलका सदस्य सहित सबै यात्रुको मृत्यु भएको थियो ।
आफ्ना नागरिकहरु दुर्घटनाम परेपछि भूटानबाट ९ जनाको एक उच्चस्तरिय टाली बिहीबार दिउँसो राजधानी आइपुगेका छन् । यसैबीच प्रधानमन्त्री माधवकुमार नेपालले दुर्घट्ना भइसकेको अबस्थामा उद्दार कार्यबारे पर्यटन मन्त्रालयसंग जानकारी लिएको थियो । प्रधानमन्त्रीले पर्यटनमन्त्री, कानुन, परराष्ट्रमन्त्री तिनैजनालाई बोलाएर भूटानलाई शव बुझाउने प्रकृयाका बारेमा पनि छलफल गरेका थिए ।
जहाजको टिकट काट्दा नेपाली नाममा काटेका कारण उनीहरुलाई पहिचान गर्न सुरुमा आप्ठ्यारो भएको थियो । विदेशीका लागि बढी पैसा लाग्ने भएपछि यी यात्रुले नेपाली नाम लेखाएको बताइएको छ । यात्रुमध्ये ९ जना पोतला गेष्ट हाउस ठमेलमा बसेको त्यहाँका व्यवस्थापक दिनेश तुलाधरले बताए ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...