मिनी म्याराथन सम्पन्न

एकता, शान्ती र मित्रता नाराका साथ शनिवार झापाको दमकमा भएको मिनी म्याराथन प्रतियोगितामा महिलातर्फ सुस्मा राई र पुरुषतर्फ लक्ष्मण मल्ल प्रथम भएका छन् ।

लक्ष्मणले पुरुष तर्फको १० किलोमिटर दुरी ३४ मिनेट १४ सेकेण्ड समयावधि लगाएर प्रथम भएका हुन् । त्यसैगरी राम थापाले ३४ मिनेट ३४ सेकेण्ड समयावधि लगाई द्वितिय र होमलाल श्रेष्ठले ३४ मिनेट ५० सेकेण्डमा दुरी पार गरी तृतिय भएका थिए । त्यसैगरी भुमिराज राई चौथो ज्ञानु भट्र्राई पाचौं, शिवराज जप्रेल छैठौं, नरेन्द्र वन सातौं, गणेश गोतामे आठौं, उमेश राई नवौं र फुर्वा तामाङले १० औं स्थान ओगट्न सफल भए ।

सुस्माले महिलातर्फ ७ किलोमिटरको दुरीलाई ३० मिनेट १४ सेकेण्डमा दौड पुरा गरी प्रथम भएकी हुन् । त्यसैगरी मिरा राईले ३२ मिनेट ०१ सेकेण्ड मा दुरी पार गरी द्वितिय र सुशिला श्रेष्ठले ३२ मिनेट ४८ सेकेण्डमा दुरी पार गरी तृतिय भएकी थिईन् । त्यसैगरी जुनी राई चौथा, मुना आङदेम्बे पाँचौं, मुना थापा छैठौं, हरीमाया गुरागाईं छैठौं, एलिसा लिम्बु सातौं, सरस्वती राम नवौं र इन्दिरा सुब्वाले १० औं स्थान ओगट्न सफल भएका थिए । पुरुष तर्फको दौडमा जम्मा १९ सय ५० जना सहभागि थिए । त्यसैगरी महिला तर्फको दौडमा भने ३ सय २० प्रतिस्पर्धामा सहभागि थिए

बाँयाबाट विजेता क्रमश  पुरुषबाट प्रथम लक्ष्मण, द्वितिय राम थापा र महिलातर्फ प्रथम सुस्मा र द्वितिय मिरा राई ।
तस्विर सौजन्य उमाकान्त खनाल ।