पत्रिकारिता विषयमा अर्को आयाम : कोहेड भिजनको विमोचन (फोटो फिचरसहित)

झापाको कोहेड क्याम्पस विर्तामोडबाट कोहेड भिजन नामक मासिक खवर पत्रिकाको प्रकाशन शुरु गरिएको छ । आज आयोजित एक कार्यक्रमका विच नेपाल पत्रकार महासंघ झापा शाखाका महासचिव गणेश पोखरेल र क्याम्पस प्रमुख कमल प्रसाद गुरागाईले संयुक्त रुपमा सो मासिक खवर पत्रिकाको विमोचन गर्नुभएको थियो । 

आम सञ्चार तथा पत्रकारिता लिएर अध्ययन गरिरहेका विद्यार्थीको सक्रियतामा सो मासिक खपरपत्रिकाको प्रकाशन सुरु गरिएको हो । ८ पृष्ठको पत्रिकाको सम्पादक टुरुप संग्रौला रहेका छन् । उनी यो मेचीनगर अनलाईनका सहयोगि मित्र पनि हुन् । विमोचन कार्यक्रममा नेपाल पत्रकार महासंघ झापा शाखाका सह–सचिव राजेन्द्र गौतम केन्द्रिय सदस्य तीर्थ सिग्देल, प्रेस चौतारी झापाका उपाध्यक्ष गोपाल काफ्ले लगायतले पत्रिकाको निरन्तरताको शुभकामना व्यक्त गर्नुभएको थियो । पत्रिकाको सम्पादक टुरुप संग्रौलाको सभापतित्वमा सम्पन्न विमोचन कार्यक्रमको सञ्चालन वि.वि.सी नेपाली सेवाका झापा संवाददाता तथा सो मासिक खवरपत्रिकाको संरक्षक सम्पादक उमाकान्त खनालले गर्नुभएको थियो ।

कार्यक्रमको सञ्चालन गर्दै उमाकान्त खनाल

विमोचन कार्यक्रममा वाँयाबाट क्रमस क्याम्पस प्रमुख कमलप्रसाद गुरागाई, पत्रकार महासंघका

 सहसचिव राजेन्द्र गौतम, महासचिव गणेश पोखरेल, र सम्पादक टुरुप संग्रौला । 

शुभकामना दिँदै न्यू मेची टाईम्सका सम्पादक तीर्थ सिग्देल

क्याम्पस प्रमुख कमल गुराई मन्तव्य व्यक्त गर्दै

 All Picture By:- BBC Reporter Uma Kanta Khanal