सुनसरी ३१ वैशाख । प्रधानमन्त्री हुनुअघि झापड खाएको ठाउँ सुनसरीमा झलनाथ खनालले कालोझण्डाको सामना गर्नुपरेको छ ।एमाले सुनसरीले शनिबार ईनरुवमा गरेको कार्यक्रममा एमालेकै एक कार्यकर्ताले खनालको अघिल्तिर कालो झण्डा देखाए ।
जिल्ला नेता कार्यकर्ताको बाक्लो उपस्थिति र झकिझकाऊ मञ्चमा बसे लगत्तै पार्टी कार्यकर्ता शारदा निरौलाले खनाललाई शान्ति र संविधान निर्माणमा केन्दि्रत नभएको तथा पार्टीको विवाद मिलाउन गम्भीर नभएको भन्दै कालोझण्डा देखाएका हुन् ।
निरौला एमालेका संगठित सदस्य एवं नेपाल टेलिकम इटहरी शाखाका कर्मचारी युनियनका सदस्य हुन् । खनाललाई कालोझण्डा देखाएपछि एमाले कार्यकर्ताले निरौलालाई कुटपिट गरेका थिए ।
निरौलालाई कुटाईबाट जोगाउन प्रहरीलाई हम्मेहम्मे परेको थियो, यसअघि झापड हान्ने देवीप्रसाद रेग्मीलाई जस्तै । निरौलालाई प्रहरीले नियन्त्रणमा लिई जिल्ला प्रहरी कार्यालयमा पुर्याएको छ ।
निरौलाले खनाल आउने थाहा पाएपछि कालोझण्डा देखाउने योजना बनाएको र घरबाट ठूलो कालो झण्डा लिएर गएको उनी निकटकाहरुले बताएका छन् ।
यसअघि कार्यक्रममा जाने क्रममा मधेसी जनअधिकार फोरम लोकतान्त्रिकका कार्यकर्ताले प्रधानमन्त्री खनाललाई महानन्द चोकमा कालोझण्डा देखाएका थिए
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...