बन्दले मध्यपश्चिम आजपनि प्रभावित

१२ जेठ, । विश्व हिन्दू महासंघ लगायत विभिन्न ८ वटा हिन्दुवादी संगठनले आहृवान गरेको मध्यपश्चिमाञ्चल बन्दको दोस्रो दिन आजपनि त्यस क्षेत्रको जनजीवन प्रभावित भएको छ । ।

बन्दकर्ताले नेपाल हिन्दू राष्ट्र हुनुपर्ने, धर्म परिवर्तन बन्द गरिनुपर्ने, अज्ञात ग्रन्थहरु बिक्री वितरणमा रोक लगाइनु पर्नेलगायत माग राखेर हिजो र आज दुई दिन बन्द आहवान गरेका हुन् ।

बन्दका कारण मध्यपश्चिमका बाँके, बर्दिया, दाङ, सुर्खेतलगायत जिल्लामा बिहानैदेखि लामो तथा छोटो दुरीका सवारी साधन चल्न सकेका छैनन् । बन्दका कारण ती जिल्लाका शिक्षणसंस्था बजार-पसल, उद्योगधन्दा र कलकारखाना ठप्प छन् ।

बन्द आहृवान गर्नेमा विश्व हिन्दू महासंघ, विश्व हिन्दू युवा संघ, नेपाल शिव सेना, अर्जुन शक्ति केन्द्र, श्रीराम शक्ति दल, राष्ट्रिय धर्म जागरण अभियान, हिन्दु संरक्षक संघ र नेपाल जनता पार्टी छन् ।