पसल चोरीएको विरोधमा व्यपारीद्वारा चक्कजाम

झापाको मेचीनगर स्थित धुलाबारीमा रहेका सातवटा पसलमा एकै रात चोरी भएपछि स्थानीय व्यापारीले सुरक्षाका माग गर्दै आज बिहान एक घण्टा पुर्व पश्चिम लोकमार्गमा यातायात ठप्प पारेका छन ।

स्थानीय व्यपारीहरुले विहान सात वजेदेखी आठ वजेसम्म चक्कजाम गरेका थिए भने राजमार्गमा नाराबाजी समेत गरेका थिए । विरोधमा धुलाबारी बजारसमेत स्वस्फूर्त बन्द भएको थियो ।सशस्त्र प्रहरीको उपस्थितीमा एक घण्टा पछि यातायात खुलाएपनि स्थानीयले पुन वन्द गर्ने प्रयास गरेका थिए ।

धुलावारी चोक स्थित राजमार्ग छेउछाउकै फेसन टेलर्स, फेस टु फेस टेक्नोलोजी, सुशील एग्रोभेटलगायतका सातवटा पसलमा गए राति सटर फोडेर चोरी गरीएको थियो । 

रातिनै प्रहरीलाई खवर गरेपनि प्रहरीले बिहानमात्र आएर घटनास्थलको मुचुल्का उठाएको भन्दै व्यपारी आक्रोसीत वनेका थिए ।यस अघि झापाको काकरभिट्टावाट हिजो दिउसो एक बेलायती नागरिकको क्यामरा र नगद चोरी भएको थियो ।