एमआरपी वितरण आजबाट/पहिलो साधारण एमआरपी अनुराधालाई

काठमाडौ, पुस ११ - सरकारले बहुप्रतिक्षित एमआरपी(मेसिन रिडेवल पासपोर्ट) वितरण कार्य आइतबारदेखि सुरु गरेको छ । परराष्ट्रमन्त्री सुजाता कोइरालाले प्रधानमन्त्री माधवकुमार नेपाललाई कुटनीतिक राहदानी प्रदान गरेर यसको सुरुवात गरेकी छन् ।

प्रधानमन्त्री निवासमा एक कार्यक्रमबीच परराष्ट्रमन्त्री कोइरालाले सभामुख सुवास नेम्वाङ र प्रधानन्यायाधीश रामप्रसाद श्रेष्ठलाई पनि कुटनीतिक राहदानी प्रदान गरेकी थिइन । त्यस्तै,माइती नेपालीकी अध्यक्ष अनुराधा कोइरालालाई साधारण राहदानी प्रदान गरी सर्वसाधारणका लागि राहदानी वितरण सुरु गरिएको छ । निवासमै पुगेर राष्ट्रपति तथा उपराष्ट्रपतिलाई पनि कुटनीतिक राहदानी प्रदान गर्ने परराष्ट्रले जनाएको छ ।

मन्त्रालयका अनुसार पहिलो दिन आवदेन दिने मध्ये सय जनालाई आजै एमआरपी प्रदान गरिनेछ । विदेशस्थित कुटनीतिक नियोगबाट पनि आजैबाट राहदानी वितरण सुरु गरिनेछ ।

अन्तर्राष्ट्रिय नगरिक उड्डयन संगठनले दिएको अन्तिम समय सीमा भन्दा एक साता अगाडि नै एमआरपी वितरण सुरु गरिएको छ । 

News Soure : Kantipur