अदुवा खेतीबाट राम्रो आम्दानि

रविन भट्टराई, ताप्लेजुङ ११ पुस

ताप्लेजुङको फुङलिङ गाउ विकास समिति स्थित देवलिंगेका २६ परिवार किसानहरुले व्यवसायिक अदुवा खेती गरी उत्पादित अदुवाबाट राम्रो आम्दानि गरेको छन् । सो गाविसका प्रत्येक परिवारले एक रोपनिका दरले लगाएको अदुवा खेति वाट यो बर्ष कम्तिमा एक लाख रुपैंया साट्ने अपेक्षा गरेका छन् ।
व्यवसायिक कृषि बिकास कार्यक्रम (सिएडिपि) को आर्थिक सहयोग तथा सामुदायिक बिकासका लागि बैकल्पीक समुह र फ्रि –प्याड चितवनको सहजिकरणमा सुरुगरिएको खेतीबाट कृषकहरुले राम्रो उत्पादन गरेको कृषक ओमनाथ गौतमले बताउनुभयो ।
साझेदार संस्था बैकल्पीक समुहले ईलाम जिल्ला बाट ल्याएर अदुवाको बिउ बितरण गरेको थियो । हामिले किसानहरुलाई खेती कसरी गर्ने भन्ने

जानकारी गराउन एक पटक तालिम दियौं, बिषादिको प्रयोगका बिषयमा पनि सिकायौं सिकाई प्रभाबकारी भयो साथै उत्पादन पनि राम्रौ भयो, संस्थाका सचिव हरि पौडेलले भने ।
बिगतमा प्राविधिक सहयोग नपाएकोले खेति गर्न नसकिएको बताउने समुहका अध्यक्ष लक्ष्मी प्रसाद सुवेदी प्राविधिक सहयोग राम्रे भएकोले व्यवसायिक दक्षता हासिल गर्न सकिने बताउछन । यो बर्षको उतपादन राम्रो भएको देखियो अर्को बर्ष जमिन थप गर्छौ उनले भने । अदुवा उत्पादनमा समुहका सबै सदस्यले प्रत्येक हप्ता भेला भएर खेति सम्वन्धि परामर्स छलफल गर्ने गरेका छन ।