दार्जिलिङमा छुट्टै राज्यको माग गर्दै जारी गोर्खाल्याण्ड आन्दोलनसंग जोडेर नेपालीलाई प्रवेश निषेध गर्न पश्चिम वंगालको सत्तारुढ मार्क्सवादी कम्युनिष्ट पार्टी माग गरेको छ ।
नेपालीको अवैध प्रवेशका कारण छुट्टै राज्य गोर्खाल्याण्डको आन्दोलनलाई टेवा पुगेको दावी गर्दै उसले तत्काल नेपालीलाई प्रवेशमा रोक्न सरकारसंग माग गरेको सिलिगुडीवाट प्रकाशित एक दैनिकअखवारले उल्लेख गरेको छ ।
मार्क्सवादीको माग सन् १९५० को नेपाल-भारतवीचको सन्धी विपरित छ । सन्धीको धारा ६ र ७ मा नेपाली र भारतीय दुवैले एक देशवाट अर्को देशमा आवतजावत गर्नका साथै काम गर्न पाउने पाउने प्रष्टउल्लेख छ । नेपालीले गोर्खाल्याण्ड आन्दोलन उचाल्ने काम गरेको मार्क्सवादीले आरोप लगाएको हो ।तत्कालीन प्रशासक सुवास घिसिङ गोर्खाल्याण्डको मुद्धामा मौन वसिरहेका वेला नेपालीहरुकै उक्साहटमा विमल गुरुङले सन् २००७ मा गोर्खा जनमुक्ति मोर्चा गठन गरेको मार्क्सवादीको भनाई छ ।
मार्क्सवादीका नेता एवम नगरविकास मन्त्री अशोक भट्टाचार्यले नेपालीको अवैध प्रवेशका कारण दार्जिलिङमा सामाजिक र आर्थिक समस्या झेल्नु परेको बताएका छन् ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...