के गर्दैछिन् नम्रता ?

धेरै भयो, नायिका नम्रता श्रेष्ठ अभिनित सिनेमा रिलिज नभएको । नेपाली सिनेमालाई माया गर्ने दर्शकहरु  र नम्रताका प्रशँसकहरु आतुर छन्, नम्रतालाई फेरी सिनेमाको पर्दामा हेर्न ।

तर नम्रता भने हाल ब्यक्तिगत कामका निमित्त ब्यस्त देखिन्छिन् । ‘आजकाल म मेरै कामका लागि समय दिईरहेको छु’, नम्रताले भनिन्, ‘यता रेष्टुँरातिर पनि हेर्दैछु अनि अर केहि निजी कामहरु मिलाउदै छु’ । त्यसो त उनी अभिनित सिनेमा ‘मिस यु’को धमाधम डबिङ्ग कार्य भेरहेको छ । पहिला देशबाहिर प्रदर्शन गर्ने त्यसपछि छिट्टै नै सिनेमालाई देशभित्र प्रदर्शन गराईने, यसका निर्देशक सुरेस दर्पण पोखरेलले बताएका छन् ।

लाजिम्पाटमा नम्रताको ‘एटिक’ नामक रेष्टुँरा छ, जहाँ उनी आफ्नो खाली समयलाई उपयोग गर्छिन् । केहि प्रोजेक्टमा काम गर्न स्क्रिप्ट हेरिरहेकी उनले तत्काल कुनै पनि प्रोजेक्टका लागि साईन चैं गरेकी छैन् । ‘कुनै नयाँ फिल्ममा काम गर्ने भएँ भने म तपाईहरुलाई भनिहाल्छु नि’, नम्रताले भनिन् ।

‘सानो सँसार’बाट नेपाली सिनेमा क्षेत्रमा उदाएकी नम्रताले त्यसपश्यात् ‘मेरो एउटा साथी छ’मा अभिनय गरेकी थिईन् । सिमोस सुनुवार निर्देशित ‘फष्टलभ’मा उनी अतिथि कलाकारका रुपमा देखिएकी थिईन् ।