प्रशान्त विवाह बन्धनमा बाँधिए

इन्डियन आइडल बनेर निकै चर्चा बटुलेका प्रशान्त तामाङ विवाह बन्धनमा बाँधिएका छन् । उनले भारतको नागाल्यान्ड निवासी गीता थापा मगरसँग नेपाली परम्पराअनुसार नायथु रिसोर्टमा धुमधामसँग विवाह गरेका हुन् ।
इन्डियन आइडल भएपछि विदेशमा त्यति धेरै चर्चा कमाउन नसकेको भएपनि नेपालमा भने उनले धेरै नै चर्चा कमाएका छन् । इन्डियन आइडल भएपछि उनले नेपाली चलचित्र ‘गोर्खा पल्टन’ र ‘अँगालो यो माया’मा अभिनय गरेका छन् र धेरै नेपाली गीतहरु पनि गायका छन् । उनको विवाहमा सहभागि हुनका लागि नेपालबाट पनि केही निर्माता गएका थिए । प्रशान्तले नै अभिनय गरेका चलचित्रका निर्माताहरु सुरज बंशल र किशोर दुलामी पनि उनको विवाहमा सहभागि भएका थिए ।