संसदमा सांसदले अश्लील वेबसाइट हेरे

यौन काण्डमा इटलीको प्रधानमन्त्री फसेको खबरले चर्चा पाइ रहेकै बेला इटलीको संसद भवनमा सदन चलिरहेकै समयमा उनको पार्टीका सांसद साइमन डी काग्नोले आईपडमार्फत अश्लील वेबसाइट हेरिरहेको देखियो। हालै संसदमा रहेको अविश्वासको प्रस्तावमाथि बहस भइरहँदा ती सांसद अश्लील वेबसाइट हेर्न मस्त थिए।

सांसद साइमन डी काग्नोले तीन पटक बिहे गरिसकेका छन्। इटलीमा सांसदहरूलाइ हालैमात्र आईपड उपलव्ध गराएको थियो। यस खबरले इटलीमा तहलका मच्चाएपछि पत्रकारहरूले यस बारेमा सांसद साइमन डी काग्नोसँग प्रश्न गर्दा उनले झूठ बोलेका छन्।

साइमन डी काग्नोका अनुसार, “हामीलाइ भर्खरै उपलव्ध गराएको आईपडमा समाचार हेरिरहँदा गल्तीले उक्त वेबसाइट खुलेको थियो ।”