इलाम २८ मङ्सिर, यात्रीहरुलाई मर्यादित व्यवहार गरिएको जनाउँदै इलामका १० जना चालकलाई सम्मान गरिएको छ ।
पूर्वेली टुक्सी व्यवसायी सङ्घले आफ्नो छैटौँ जिल्ला अधिवेशनका अवसर पारेर उनीहरुलाई हिजो यहाँ आयोजित एक कार्यक्रममा सम्मान गरेको हो ।
सम्मानित टुक्सीचालकले हाँकेका सवारी साधन आजसम्म कुनै दुर्घटनामा नपरेका बताइएको छ । सङ्घले गोविन्द विष्ट जीवन दुलाल टीका गुरुङ विमल महत दुर्गाप्रसाद श्रेष्ठ सोनाम यल्मु कुलप्रसाद राई जगतबहादुर राई निमा तामाङ र धनबहादुर राईलाई सम्मान गरेको हो ।
यसैगरी उत्कृष्ट कार्य गर्ने सङ्घका दुईजना कर्मचारीलाई पनि अभिनन्दन गरिएको सङ्घका अध्यक्ष गि्रस्म सुब्बाले बताउनुभयो ।
यसैबीच कन्याम गाउँ विकास समितिमा पर्ने तारगाउँमा २८ वटा पक्की शौचालय र बायोग्यास प्लान्ट निर्माण गरिएको छ । जिल्ला विकास समितिको वातावरण तथा ऊर्जा इकाई गाउँ विकास समिति र उपभोक्ताको संयुक्त सकि्रयतामा शौचालय र प्लान्ट निर्माण गरिएका हो ।
रासस
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...