क्रिकेट उपाधी मोरङको पोल्टामा

काँकडभिट्टा – झापा जिल्ला क्रिकेट सघ र मेची क्रिकेट एकाडेमीको संयुक्त आयोजनामा संचालित वाईवाई युथ १९ क्षेत्रीय छनोट क्रिकेट प्रतियोगिताको उपाधि मोरङले जितेको छ । सप्तरीलाई १ सय ४५ रनको भारी अन्तरले पराजित गर्दै मोरङले जित हासिल गरेको हो ।  

काँकडभिट्टा माविको मैदानमा टस जितेर व्याटिङ गरेको मोरङले निर्धारित ३० ओभरमा सवै विकेट गुमाउदै २ सय ५२ रनको चुनौति सप्तरीसामु खडा गरेको थियो । प्रतियोगिताका म्यान अफ दि म्याच घोषित अमन थापाको सर्वाधिक ९८ रन महत्वपुर्ण सावित भयो । रिमेश रेग्मीले  पनि ६४ रन वनाउन सफल भए । सप्तरीको वलिङ प्रदर्शनमा देखिएको खरावीको फाइदा मोरङले उठाएको थियो । यद्यपि प्रतियोगिता अवधिभर उत्कृष्ठ वलर वनेका धीरज दास, रोहित सिंह र दिग्विजय सिंहले २/२ विकेट झारेका थिए । 

प्रत्युत्तरमा मैदान ओर्लिएको सप्तरी सस्तोमै समेटिन पुग्यो । २५ ओभरमै अल आउट भएको सप्तरी १ सय ७ रनमा खुम्चिन वाध्य भयो । धीरज दासले २१  र अमल दासले १७  रन जोड्नुवाहेक अन्यले दोहोरो अंक वनाउन सकेनन । जसको वाधक मोरङका वलरहरु अस्लम अख्तर, हरि चौलागाई र निर्जल क्ष्ँेत्री वनेका थिए  । तीनै खेलाडीले ह्याट्रिक पुरा गरेका थिए ।

पराजित टोलीको प्रशिक्ष्ँकको रुपमा आएका राष्ट्रिय खेलाडी मेहवुव आलमले खेलको सुरुआतदेखिको दवावका कारण टोली हार स्वीकार्न वाध्य भएको बताए । उनले भने,‘टोली थाकेको पनि थियो, त्यसमाथि शुरुआतमै प्रेसर सहन वाध्य भए ।’ 

प्रतियोगिताको सर्वोत्कृष्ट खेलाडी सुनसरीका महिम श्रेष्ठ घोषित भए । उनले आइतवार मोरङविरुद्धको सेमिफाइनलमा एकै वलमा लगालग ४ छक्काको योगदान दिएका थिए । 

प्रतियोगिताका विजेता तथा उपविजेता टोलीलाई नेपाल क्रिकेट संधका केन्द्रीय सदस्य छत्र अधिकारीले उपाधि हस्तान्तरण गरेका थिए । शुक्रवार देखि जारी प्रतियोगितामा झापासहित ६ टोलीले भाग लिएका थिए । इलामले पहिलोपटक प्रतिस्पर्धामा सहभागिता जनाएको मेची क्रिकेट एकाडेमीका मनोज कटुवालले जानकारी दिए ।