टेलिफोन महशुल नतिरेर मुख्य दलहरु नै कालोसूचीमा

आत्मराम राजवंशी/ झापा चैत २७

प्रमुख राजनीतिक दल र तिनका भातृ संगठनहरु नै टेलिफोनको महसुल नतिरेका कारण कालो सुचीमा परेका छन् । 

झापामा नेपाल टेलिकमले तयार पारेको कालो सूचीमा मुख्य दलहरु अग्रपंक्तिमा पाइएको छ । टेलिकमले लाइन काटेर कालो सूचीमा राखे पनि दलहरुको बक्यौता भने अझसम्म असुलन सकेको छैन ।  जिल्ला प्रमुख शहरहरु विर्तामोड, दमक, भद्रपुर र काँकडभिट्टामा गरिएको खोजबाट दलहरुले टेलिकमलाई लाखौं रुपैया बक्यौता नतिरेको तथ्य फेला परेको हो । 

टेलिकमको कालो सूचीमा सत्तारुढ एमाले, माओवादीलगायत विगतमा पटक पटक सत्तामा पुगेको कांग्रेस, नेकपा मालो र राप्रपा पनि छन् । टेलिकमले बक्यौता असुलीका लागि धेरैपटक ताकेता गर्दा समेत दलहरुले महसुल तिरेर आफ्नो नाम कालो सूचीबाट हटाएका छैनन् ।

२०६४ सालमा नेकपा माले दमक नगर कमिटीको नाममा प्रयोग गरिएको ५८०९४५ नम्बरको ल्याण्डलाइन टेलिफोनको बक्यौता २२ हजार ५ सय रुपैयाँ पुगेको छ । टेलिकमले मालेलार्य कालो सूचीमा चढाएर लाइन काटेको छ । 

गौरादहको राष्ट्रिय प्रजातन्त्र पार्टीको नाममा रहेको ५२९७०२ नम्बरको फोनको बक्यौता ८९ हजार ३ सय रहेको छ भने सोही पार्टीकै पथरी गाउँ समितिले प्रयोग गरेको ५५५१२८ नम्बरको फोनको बक्यौता ३३ हजार १ सय ९७ रुपैया छ । टेलिकमले राप्रपालाई पनि कालो सूचीमा रखेर दुवै फोनको लाइन काटेको छ । 

अहिले सत्तामा रहेको एमाले पनि टेलिकमको कालो सूचीमा छ । सो पार्टीको खजुरगाछी गाउँ कमिटिले प्रयोग गर्दै आएको ५२९८४० नम्बरको फोनेको बक्यौता २४ हजार ९ सय ३८ रुपैयाँ रहेको छ । 

माथि उल्लेखित कालो सूचीका टेलिफोनहरु दमक टेलिकमबाट वितरण भएका थिए । दलहरुले विर्तामोड र भद्रपुर टेलिकमबाट लगेका फोनको बक्यौता अवस्था पनि उस्तै छ । 

एकीकृत माओवादी निकट अनेरास्ववियू क्रान्तिकारीको नाममा भदैपुर दर्ता रहेको ४५६३४९ को बक्यौता रकम २२ हजार १ सय ९१ रुपैयाँ रहेको छ । भद्रपुरमै माओवादी पार्टीले प्रयोग गरेको ५२२३७९ नम्बरको टेलिफोनको बक्यौता १३ हजार ५५ रुपैयाँ छ । बारम्बार ताकेता गर्दा अटेर गरेपछि टेलिकमले दुवै लाइन काटेर पार्टीलाई नै कालो सूचीमा राखेको छ । 

भद्रपुरमा नेपाली कांग्रेस क्षेत्रीय समिति पनि कालो सूचीमा चढेको छ । उसले प्रयोग गर्दै आइरहेको ५२१०२५ नम्बरको बक्यौता १ हजार १ सय ९९ रुपैयाँ छ । 

बक्यौता नबुझाएर कालो सूचीमा भुटानी रानीतिक दलहका प्रवासस्थित कार्यालय र शरणर्थी विभाग हेर्नृ जिम्मेवारी पाएका सरकारी निकाय पनि परेका छन् । भूटान पिपुल्प पार्टिको नाममा दर्ता हरेको टेलिफोनेका बक्यौता २०६५ सालमै १ लाख ४० हजार रुपैया र नेशला डेमोक्रेटिक पार्टीको नाममा दर्ता रहेको फोनेको १ लाख १३ हजार रुपैयाँ पुगको थियो । दुव्ै फोनेको बक्यौता असुली हुन नसकेपछि टेलिकमले लाईन काटेर कालो सूचीमा राखेको छ । 

गृहमन्त्रालय अन्तरगतको शरणार्थी समन्वय इकाई दमक र पथरी तथा संयुक्त प्रमाणिकरण इकाई दमकको नाममा रहेका ५५५१५९, ५८१७८१, ५८१७८२,५८१७२३,५८१५५२ नम्बरको टेलिफोनको बक्यौता ५ लाख ९१ हजार ८ सय रुपैयाँ रहेको छ । 

 समाचार स्रोत झापाबाट प्रकाशित हुने जनसंसद दैनिक