थाइल्यान्डका एक दम्पतीले ४६ घन्टा २४ मिनेटसम्म निरन्तर चुम्बन गरेर गिनिज बुकको पुरानो रेकर्ड तोडी नयाँ रेकर्ड कायम गरेको छ । थाइल्यान्डको पटायामा भ्यालेन्टाइन्स डेको अवसर पारेर आयोजना गरिएको चुम्बन प्रतियोगितामा बैंककका ४२ वर्षीय अक्कीककाचाई टिरानारट र उनकी ३१ वर्षीया पत्नी रक्सना टिरानारटले लामो समयसम्म निरन्तर लिपलाप किस गरेर विजेता बनेका हुन् ।
आफ्नो पार्टनरलाई जति लामो समयसम्म चुम्बन गरिरहन सक्यो, त्यसैले उपाधि जित्ने प्रतियोगितामा १४ प्रेमी जोडीले भाग लिएका थिए । ४६ घन्टाभन्दा बढी समयसम्म चलेको प्रतियोगितामा टिरानारट दम्पतीले सर्वाधिक ४६ घन्टा ४२ मिनेट ९ सेकेन्डसम्म चुम्बन साटासाट गरिरहेका थिए । यसअघि २००९ मा भएको चुम्बन प्रतियोगितामा जर्मनीको एक प्रेमी जोडीले ३२ घन्टा ७ मिनेट १४ सेकेन्डसम्म निरन्तर चुम्बन गरेर गिनिज बुकमा रेकर्ड राखेका थिए ।
सर्वाधिक लामो समय चुम्बन गरेर गिनिज बुकमा रेकर्ड राख्न सफल भएकोमा टिरानारट दम्पती निकै खुसी छ । सर्वाधिक चुम्बन जोडीको उपाधिसहित सो जोडीले दुई लाख थाई भाट र हीराको औँठी पुरस्कारस्वरूप प्राप्त गरेका छन् । उनीहरू अचेल एकअर्कालाई चुम्बन गर्न पछि हट्दैनन् । चुम्बनै गरेर वल्र्ड रेकर्ड कायम गरेका उनीहरू आफ्नो जोडी निकै भाग्यशाली भएको बताउँछन् । प्रतियोगितामा आफूहरूले निकै प्रेमका साथ चुम्बन गरेकाले समय बितेको पत्तै नभएको दाबी विजेता जोडीको छ ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...