पूर्व क्षेत्र नेपाली चलचित्रको लागि उर्भर भूमि –बस्नेत

शोभित बस्नेत यो नेपालीहरुका लागि अपरिचित नाम होईन । उनले दुई दर्जन नेपाली चलचित्रमको निर्देशन, निर्माण तथा अभिनय गरिसेका छन् । नेपाली चलचित्रमा उद्योगमा बस्नेतको देन अपुरणीय छ । नेपाली चलिचित्रका युवा निर्देशन, निर्माता, तथा अभिनेता समेत भएर देखा पर्ने बस्नेतले निर्देशन गरेको चलचित्र चिनोको प्रर्दशनको क्रममा झापा आएका बेला मेचीनगर अनलाईनका लागि दिनेश कार्की  र प्रकाश पौडेलले उनिसँग गरेको कुराकानीको सारसंक्षेप ः

हाल के गर्दैहुनुहुन्छ् ? 

चिनोको प्रर्दशनका लागि पूर्व आएको छु । चिनको प्रर्दशनसँगै बरदान र युवराजको तयारीमा लागेको छु । 

तपाई आफूलाई पर्दा पछाडि काम गर्न रुचाउनु हुन्छ की अगाडि ? 

पछाडि । तर कहिले काही आफूलाई हिरो हुन मनलाग्छ अनि पर्दा अगाडि पनि देखा पर्छु । 

कतिवटा चलचित्रमा अभिनय गरिसक्नु भयो ? 

२३ वटा चलचित्रमा अभिनय तथा निर्देशन गरिसकेको छु साथै आफूले निदेर्शन गरेको चलचित्रसँगै युवराजन लामा, दिनेश डिसीले निर्देशन गरेको चलचित्रमा पनि अभिनय गरेको छु । 

तपाईलाई अहिलेसम्म सबैभन्दा बढी मन परेको चलचित्रको नाम लिनुपर्दा । 

मन । जुन चल्दैचलेन ।  सबैभन्दा मन नपरेको कर्णबिर तर त्यो चाहिँ एकदम राम्रोसँग चल्यो । 

कति वर्ष भयो यो क्षेत्रमा लागेको ? 

२० बर्ष बढी भयो । 

कस्तो पहिरन मनपर्छ ? 

जिन्स पाइन्ट र टिसर्ट । 

पूर्वमा पनपरेको ठाउँ ? 

प्राय सबै मन पर्यो । यहाँको हावापनी एकदम पन पर्छ । अनि उर्लाबारीको कञ्चनजंगा होटलको नाम नलिने त कुरै भएन । 

कस्तो खाना मन पर्छ ? 

नेपाली खाना । दाल भात तरकारी अनि त्यसमा कुखुराको मासु । विशेष गरी पूर्वको् वासमति चामलको खाना । 

कति दिन भयो यहाँ आउनु भएको ? 

४ दिन भयो । अझै बसिन्छ । आगामी चलचित्र युवराज र बरदानको आधा जति यतै सुटिग गर्ने विचारमा छु त्यसको लागि लोकेशन हेर्दैछु । 

कलाकारीता रोज्नु हुन्छ कि परिवार ? 

परिवार पनि छोड्दिन कलाकारिता पनि । किनभने यी दुबै मेरा लागि नभै नहुने कुरा हुन् । 

पूर्वका युवा पुस्ताको यो क्षेत्रमा क्रेज बढ्दो छ नी । यसलाई तपाईले कसरी हेर्नु भएको छ ? 

साच्चै भन्नु पर्दा जुनसुकै क्षेत्रमा पूर्व उर्भर भूमि हो । यहाँबाट कलाकार मात्र होईन सबै क्षेत्रमा राम्रै प्रगति भएको छ । कलाकारिता क्षेत्रमा पनि राम्रै छ । अब यहाँका युवा पुस्ताहरुले होडबाजी भन्दा पनि विचार विमर्श गरेर सहि तरिकाले लागेमा निकै राम्रो हुनेछ । 

अन्त्यमा केही छ की ? 

सबैभन्दा तपाई लगायत तपाईको युनिटलाई धन्यवाद । तपाईहरुले मेरो कुरा राख्ने मौका दिनुभएकोमा । नेपाली चलचित्रलाई माया गरिदिनुहोस् ।