प्रत्येक तानाशाहको पछाडि महिलाको हात

भनिन्छ प्रत्येक सफल पुरुषको पछाडि महिलाको हात हुन्छ　। तर, सफल पुरुष पछाडि महिलाको हात भएजस्तै तानाशाह पुरुषको पछाडि पनि महिलाको हात रहेको देखिएको छ　। फ्रान्सको क्रान्ति निम्त्याउन राजा लुईकी श्रीमती मेरीको पनि हात थियो　।

अपिकी राष्ट्र ट्युनिसिया अहिले आन्दोलनले लपेटिएको छ　। ट्युनिसियाको जनअदालतले त्यहाँको तानाशाहका रूपमा परिचित राष्ट्रपति नेता जिन अल अविदानी वेन अलीकी श्रीमती लैला टार्वेसी पनि भिलेनका रूपमा परिचित छिन्　। ट्युनिसियाले अहिले भोगिरहेको आक्रान्तका लागि दोषीमध्ये एक राष्ट्रपतिकी श्रीमती लैला पनि जिम्मेवार छिन्　।

देशबाट अपदस्थ भएर भाग्दा पनि लैला डिजाइनर पहिरनसहित डिजाइनर चस्मा लगाएर ठाँटिएकी थिइन्　। यता जनतालाई भने बिहान र बेलुका चुलो बाल्न धौ-धौ परेको छ　। देश छाडेर भाग्दा पनि राष्ट्रपतिले राष्ट्रिय ढुकुटीबाट करिब ६ अर्ब डलर लिएर गए　। उनीहरूले ट्युनिसियाको राष्ट्र बैंकबाट पैसा लिएर साउदी अरेबियामा भागेका छन्　।

जिम्माबेका राष्ट्रपति रोबर्ट मुगाम्बेकी श्रीमती ग्रेस मुगाम्बेलाई खुसी पार्न अधिकांश मन्त्री जुट्छन्　। श्रीमतीको अनुमतिविना मुगाम्बेको क्याबिनेटमा कुनै हेरफेर नहुने बताइन्छ　। जिम्बाबेमा मन्त्री तथा सरकारी अधिकारीहरू राष्ट्रपतिभन्दा उनकी श्रीमतीको हुकुम मान्छन्　। म्याडम रिसाउलिन् भनेर सधैँ मन्त्री र सरकारी अधिकारीहरू सचेत रहन्छन्　। विश्वमा असाध्यै चलाख, तार्किक तानाशाहका रूपमा चिनिएका मुगाम्बे श्रीमतीका अगाडि कमजोर बन्ने गरेको बताइन्छ　।

यसैगरी फिलिपिन्सकी राष्ट्रपति श्रीमती इमाल्डा मार्काेसलाई कसले बिर्सन सक्छ र ? रोमानियाकी एलिना सियासिक्कु पनि यस मामलामा प्रख्यात छिन्　। अत्यन्त बलिया सेनाका रूपमा चिनिने नाइजेरियाको पूर्वसैनिक तानाशाह सानी अबाचा राष्ट्र बैंकबाट लाखाँै रुपैयाँ आफ्नो खातामा सार्न गभर्नरलाई आदेश दिँदा सबै श्रीमतीका साथमा हुन्थे　।

श्रीमतीविना उनी कहिल्यै पनि सरकारी ढुकुटीको पैसा आफ्नो खातामा सार्न आदेश दिन नसक्ने टिप्पणीकर्ताले बताएका छन्　। सानीलाई आफ्नो सरकारी पैसा आफ्नो खातामा सार्न श्रीमती मेरियम अबाचाले उक्साउने गरेको भित्रियाहरू बताउँछन्　। यसैगरी घानाका तानाशाह जेरी रोलिगङ्स श्रीमतीको अनुमतिविना मन्त्रीलाई बर्खास्त गर्न पनि सक्दैन थिए　।

त्यस्तै आइभोरी कोस्टमा राजनीतिक तनाब चरमउत्कर्षमा पुगेको थियो　। जनता तानाशाह शासक लोरेन्ट ब्याग्बोको राजीनामाको माग गर्दै सडकमा उत्रिएका थिए　। आन्दोलनमा जनता मरिरहेका थिए　। तर पनि श्रीमती सिमोन ब्याग्बोले जनतासँग श्रीमान्लाई सम्झौता गर्न दिइनन् । कुनै पनि हालतमा सम्झौता नगर्न आदेश दिएकी थिइन् उनले　। एक स्थानीय पत्रिकामा लोरेन्ट श्रीमतीसँग डरले थरथर काम्दै गरेको कार्टुन छापिएको थियो　।