अमेरिकावासीको सहयोग आदिवासी वालवालिकाका लागि

झापाको कोरोवारीस्थित सन्थाल वस्तीमा वाल विकास केन्द्र भवनको आज उद्घाटन भएको छ।

वालविकास केन्द्र निर्माणकालागि हाल अमेरीका वस्दै आएका स्थानिय वासिन्दाले १ लाख १७ हजार रुपैयाँ आर्थिक सहयोग गरेका थिए । त्यस्तै जिल्ला विकास समिति झापाको १५ हजार र स्थानिय वासिन्दाको १० हजार रूपैंया वरावरको जन श्रमदान समेत जुटाइएको भवन निर्माण समितिका संयोजक मोहन कुमार वस्नेतले जानकारी दिनु भएको छ । सन्थाल वालवालिकालाई विद्यालय जान उत्प्रेरणा गर्ने उद्देश्यले सो वाल विकास केन्द्र स्थापना गरिएको हो ।

भवनको उद्घाटन जिल्ला शिक्षा अधिकारी लक्ष्मी भट्टराईले गर्नु भएको छ । शिक्षावाट पछाडि परेको तराई आदिवासीको रुपमा सुचीकृत सन्थाल जातिको वाहुल्यता रहेको सो क्षेत्रमा सन्थाल वालवालिकाको शैक्षिक उन्नतिकालागि ६३ सालमा केन्द्रको स्थापना गरीएको हो । हाल सो केन्द्रमा २० जना सन्थाल वालवालिका अध्ययनरत रहेको विद्यालयकी सहजकर्ता सञ्जु वस्नेतले जानकारी दिनुभयो । @ Purbeli Times