विषयवस्तु 'बुलन्द' छान्नूस् ।
विषय छान्दा दोहोरिएमा केही-केही पर्वाह नगर्नुस् । बस्, त्यसमा नयाँपन दिन खोज्नूस् । उदाहरणका रूपमा 'रंग दे वसन्ती'लाई लिउँ । भारतका स्वतन्त्रता-योद्धाका विषयमा धेरै सिनेमा त्यसअघि बने । तर, यस फिल्मले नयाँ पुस्तालाई समेट्यो । र, यो अत्यधिक सफल पनि भयो ।
पर्याप्त अध्ययन गर्नूस् ।
सुनेका कथालाई आधार बनाएर फिल्म नबनाउनुहोस् । अरु फिल्मबाट विषयवस्तु चोरे पनि 'सिन' नचोर्नूस्् । अर्थात् हुबहु नक्कल गर्न नखोज्नुहोस् । यसले फिल्मलाई हल्काफुल्का र सस्तो बनाउँछ ।
फिल्मको मुख्य पात्रले आममानिसको प्रतिनिधित्व गर्नुपर्छ ।
सिनेमा यसरी बन्नुपर्छ कि हेर्न जाने हरेक मानिसलाई लागोस्- यो मेरै कथा हो ।
गीत कम राख्नूस् ।
फिल्ममा गीत राख्ने प्रचलन छ । मुख्यतः दक्षिण एसियामा सिकेसम्म फिल्ममा विषयवस्तुअनुसारको लोकसंस्कृति झल्किने गीत राख्नूस् । यसले दर्शकलाई आफ्नोपन महसुस गराउँछ । तपाईंको खर्च पनि कम गराउँछ ।
कम खर्चमा स्तरीय बनाउन प्रविधिलाई त्यति महत्व नदिनूस् ।
यसले अनावश्यक पैसा खर्चमात्रै हुन्छ । प्रविधि भनेको फिल्म निर्माणमा एउटा गौण पक्षमात्रै हो ।
'क्लाइमेक्स' १० मिनेटभन्दा लामो नबनाउनुहोस् ।
यसले दर्शकलाई बाँधिरहन सक्दैन । उनीहरु चलमलाउन सुरु हुन्छन् ।
त्छोटो-छोटो सिन राख्नूस् ।
अर्थात् कम समयको सिन राख्नूस् ।
प्रत्येक 'सिन' बढीमा १० मिनेटमात्रै होस् ।
लामो सिनले दर्शकलाई वाक्क अर्थात् 'मनोटोनस' बनाउन सक्छ ।
केही 'सस्पेन्स' राख्नूस् ।
यसले दर्शकमा कौतूहल जगाउँछ । अब के हुन्छ भन्ने रहस्य फिल्ममा रह्यो भने मात्र फिल्मले सफलता पाउँछ ?
पात्र छान्दा सुहाउने छान्नूस् ।
सबै फिल्ममा 'स्टार सुट' हुँदैनन् अर्थात् फिल्ममा नाम चलेका कलाकारमात्रै लिन सकिँदैन । बरु नयाँ कलाकार ल्याउनूस् । तर, उनीहरु यस्ता हुनुपर्छ कि तिनले फिल्मको चरित्र बुझेका हुन् । आफूले निर्वाह गरेका पात्रमाथि न्याय गर्न सकून् ।
प्रत्येक सिनमा 'ढिला' प्रवेश गर्नुहोस् र चाँडो निस्कनूस् ।
दर्शकलाई थाहा भइसकेको कुरा दोहोर्याएर नभन्नूस् । यसले दर्शकमा दिक्दारी पैदा गर्ने छ ।
विषयवस्तुलाई यसरी प्रस्तुत गर्नूस् कि दर्शकलाई लागोस्- 'म बुद्धिमान छु ।'
हल्का तरिकाले प्रस्तुत गरिदिँदा उनीहरुलाई लाग्छ- 'निर्देशकले हामीलाई बुद्धु ठान्छ ।
त्र सिनेमामा पूरै दुनियाँ बदलिएको नदेखाउनुहोस् ।
केही व्यक्तिमा परिवर्तन आएको भने देखाउनूस् । यसले सिनेमालाई जीवन्त बनाउँछ ।
सिनेमामा पाश्र्वसंगीतको प्रयोग सुहाउनेगरी राख्नूस् ।
संसारमा सबैभन्दा बलियो सञ्चार 'मौनता'ले गर्छ । त्यसैले मिल्ने ठाउँमा 'साइलेन्स' प्रयोग गर्नूस् ।
व्या
पारिक सिनेमा बनाउनूस् ।
तर त्यसलाई बढी अविश्वसनीय नबनाउनूस् । कम गीत र कम द्वन्द्व प्रयोग गर्नुहोस् । द्वन्द्व राख्दा एउटैले बीसजना ढालेको सिन नराख्नूस् ।
कमेडी सिनेमा बनाउँदा हँसाउने मात्र ध्येय नराख्नूस् ।
गम्भीर विषयमा कमेडी सिनेमा दीर्धकालीन हुन्छन् । चार्ली च्याप्लिन यत्तिकै हास्यविधाका वादशाह भएका होइनन् ।
प्रस्तुतिः प्रमिला देवकोटा
तस्बिरः लेख
तस्बिरः लेख
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...