सामुदायिक पोष्ट्र हार्बेष्ट संचालनमा

देबु बानियाँ

 काँकरभिट्टा १७ माघ \ कृषि क्षेत्रलाई व्यवसाहिकरण गर्ने उद्देश्यले झापाको मेचीनगर ८ सृजना चोकमा निर्माण गरिएको उच्च प्रबिधिको सामुदायिक पोष्ट्र हार्बेष्ट सेवा केन्द्रको हालै देखी परिक्षण सुरु गरिएको छ । 

मेची कृषक बहुमुखी सहकारी संस्था लि द्धारा निर्मित उक्त सेव केन्द्रको कृषि इन्जिनियरिङ्ग निर्देशनालयका निमिक्त कार्यक्रम निर्देशक मधुसुदन बस्नेतको उपस्थीतिमा परिक्षण सुरु गरिएको हो । नेपाल सरकार कृषि इन्जिनियरिङ्ग निर्देशनालय ललितपुरको ८० प्रतिशत र संस्थाको २० प्रतिशत गरी जम्मा एक करोड २० लाखको लागतमा निर्माण गरिएको उक्त सेवा केन्द्र ३ बर्ष अघि देखी निर्माण सुरु गरिएको थियो । नेपाल सरकारको बिशेष कार्यक्रम अन्र्तगतको योजनामा परेका नेपालका छ वटा योजनाहरु मध्ये यस संस्थाले पनि उक्त योजना पार्न सफल भएको थियो । जसमा अहिले सम्म निर्माण भएका ति योजनाहरु मध्ये यो नै उत्कृष्ट्रमा परेको निर्देशक मधुसुदन बस्नेतले बताउनु भयो । 

  स्थापनाको समयदेखि नै कृषि क्षेत्रमा महत्वपूर्ण कार्य गर्दै आएको यस संस्थाले कृषिलाई परम्परागत होइन आधुनिक खेती तर्फ उन्मुख गराउन कृषकहरुलाई तालिम दिएर खेती गराउदै आएको छ । संस्थाले पांच बर्ष अघि पाच लाखमा खरिद गरेको १० कट्ठा जमिनमा निर्माण गरिएको उक्त पोष्ट हार्बेष्टमा सय÷सय म्याट्रिक टन क्षमता भएको दुई वटा गोदाम, मेसनरी सेड, टान्जेटसेट, र्थेसिङ्ग फोल्वर, बाँझैैं जमिनमा गहुँ छर्न सकिने प्रबिधि भएको सिडड्रिल मेसिन,  धान, गहुँ काट्न प्रयोग गरिने रिपर मेसिन, बिउ बिजनलाई उपचारका साथ सुरक्षित राख्ने टिटर मेसिन, एक थान ट्याक्टर, एक थान पावर टिलर तथा बहुआयमि ग्रडिङ्ग मेसिन सहितको सेलर मिल रहेका छन । साथै सोही ठाँउमा हार्बेष्टको चारकोठे आफ्नै कार्यलयको समेत निर्माण गरिदै छ । यहि चैत मसान्त सम्ममा बिधिगत उद्घाटन गर्ने र यस क्षेत्रमा रहेका कृषकहरुलाई सेवा प्रदान सुरु गर्ने सेवा केन्द्रका संयोजक दुर्गाप्रसाद सापकोटाले बताउनु भयो ।

 उक्त सेवा केन्द्रले बिउहरुको र्थेसिङ्ग, गे्रडिङ्ग, टिटिङ्ग, प्याकेजिङ्ग, भण्डारन संरश्रण, चिस्यान देखि लिएर सम्पुर्ण कामहरु गर्ने छ संयोजक सापकोटाले बताउनु भयो । 

    सृजनाचोक बाट २ सय मिटर पुर्वमा रहेको सेवा केन्द्रमा रहेको सेलर मिलबाट प्रतिघण्टा डेढ टनका दरले चामल उत्पादन तथा ग्रडिङ्ग मेसिनबाट प्रतिघण्टा डेढ टन बिउहरु ग्रेडिङ्ग गर्ने क्षमता भएको सहकारी संंस्थाका सचिब हरि बुढाथोकीले बताउनुभयो । २०६६सालमा झापा जिल्लाबाट र   २०६२ सालमा नेपालका सहकारीहरु मध्ये उत्कृष्ट सहकारीको सम्मान हात पारीसकेको यस सहकारीले ३ बर्ष अघिदेखि लिर्वड नेपालको बिशेष सहयोगमा यस क्षेत्रका २ सय भन्दा बढि कृषकहरुलाई कृषि पाठशाला आयोजना गरको र अहिले उनिहरुले धान, गहँु, राजमा, खोर्सानि, मुङ्ग, मुसुरो लगाएतका खेतिहरु गर्दै आएको संस्थाका व्यवस्थापक दिपक काफ्लेले बताउनुभयो ।काफ्लेका अनुसार तिनै कृषकहरुले उत्पादन गरेका कृषि सामाग्रीहरुलाई केन्द्रमा जम्मा पारेर सुरक्षित राखिनेछ । यस सेवा केन्द्रको निर्माण पछि संस्थाको कार्यक्षेत्र बाहुण्डागी, मेचीनगर, ज्यामिरगढी, धाइजन, शान्तिनगर तथा आसपासका गाबिसहरुका साथै छिमेकी जिल्लाका कृषकहरु समेत प्रत्यक्ष लावान्भित हुने सस्ंथाका अध्यक्ष तुलसीराम पौड्यालले बताउनुभयो ।     

कृषि क्षेत्रमा यस सहकारीले देखाएको बाटो दिएको योगदान हामी सबैको लागि  उदाहरणीय बनेको छ । यसरी नै हामी सबैले कृषिलाई आधुनिकीकरण गर्दै लैजाने हो भने पक्कै पनि १ दिन देशले कृषिक्षेत्रमा ठूलै परिवर्तन पाउने थियो र कृषिप्रधान देश हो भन्नेमा दुईमत हुने थिएन् ।