छमछमी विजेतालाई सम्मान

कार्यक्रममा सम्मानित हुनेहरुमा पत्रकार हिमाल खरेल, अनुजा अग्रवाल,

 मञ्जु मगर बाँयाबाटक्रमस दोस्रो, तेस्रो र चौथो । तस्विर मेचीनगर अनलाईन

बिर्तामोड– नेपाल टलिभिजनको रियालिटी शो ‘छमछमी’ मा प्रथम र तृतीय बन्न सफल अनुजा अग्रवाल र मञ्जु मगरलाई घरेलु जिल्ला झापामा सम्मान गरिएको छ ।

बिर्तामोडमा भएको पूर्वाञ्चल पर्यटन महोत्सवमा अनारमनीकी अनुजा र बुधबारेकी मञ्जुलाई सम्मान गरिएको हो । ‘छमछमी’ मा जिल्लाको नाम राखेर राष्ट्रकै गौरव बन्न सफल भएकोमा उनीहरुलाई झापामा पहिलो पटक सम्मान गरिएको आयोजकका मदन बिमलीले बताए । पर्यटन प्रबद्र्धन गर्न आयोजित महोत्सवकै अवसर पारेर साप्ताहिककर्मी हिमाल खरेल र स्थानीय भक्त खवासलाई पनि सम्मान गरियो । पूर्वका युवालाई सञ्चारमाध्यममार्फत् प्रोत्साहन गर्न कोसेढुङ्गाको काम गरेको भन्दै पत्रकार खरेललाई सम्मान गरिएको आयोजक अध्यक्ष विपीन मानन्धरले बताए ।

 खवासलाई एकल प्रयासमा बिर्तामोडको फोहोर व्यवस्थापन गरेको भन्दै सम्मान गरिएको हो । चाहना समूह र न्यू जूनतारा युवा क्लबकमे आयोजनामा सञ्चमलित महोत्सवमा पर्यटकीय क्षेत्रको फोटो प्रदर्शनी, विभिन्न जातजातिको संस्कृति झल्कने सामग्री, कृषि उत्पादन, खेलतमासा मुख्य आर्कषणका रुपमा रहेका छन् ।