काठमाडौं, माघ १८ - एकीकृत माओवादी अध्यक्ष पुष्पकमल दाहालले एमाले अध्यक्ष झलनाथ खनाललाई राष्ट्रिय सरकार निर्माणका लागि लचिलो बन्न आग्रह गरेका छन्। एमाले संसदीय दलको कार्यालयमा भएको छलफलमा खनालले एमाले लचिलो भएरै माओवादी वा कांग्रेसको नेतृत्वमा सरकार बन्छ भने पनि सहयोग गर्न तयार भएको जानकारी गराएका थिए।
खनाल निकट स्रोतका अनुसार, खनालले माओवादी वा कांग्रेस जसले सरकार बनाए पनि सहयोग गर्न तयार भएको धारणा व्यक्त गरेपछि दाहालले 'फेरि पनि अड्काउने कुरा भयो, तपाईंहरू बोल्ड निर्णय गर्नुहुन्न' भन्दै असन्तुष्टी प्रकट गरेका थिए।
खनालले भने आफ्नो पार्टीको निर्णय नै यही भएकाले त्यसै अनुसार अघि बढ्ने जानकारी गराएका थिए। आसन्न प्रधानमन्त्री निर्वाचनमा एक अर्काको सहयोग आदानप्रदानका लागि भएको छलफलमा निर्णय भइहालेको छैन। तर, गम्भीर र ठोस छलफल भएको जानकारी स्रोतले दियो। @ नागरिक
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...