स्वीकृति लिएर मात्रै वैदेशिक रोजगारको काम अघि वढाउन आग्रह

सञ्जीव चापागाई

झापा,माघ १७ । जिल्ला प्रशासन कार्यालय झापाले वैदेशिक रोजगारीमा संलग्न संस्था तथा एजेन्टलाई अनिवार्य स्वीकृति लिएर मात्रै वैदेशिक रोजगारको निम्ति काम अघि वढाउन आग्रह गरेको छ ।

वैदेशिक रोजगार व्यवसाय एन २०६४ अनुसार बैदेशिक रोजगारका लागि कानुन वमोजिम इजाजत प्राप्त गरेको संस्थाले वैदेशिक रोजगार विभागवाट पुर्व स्वीकृती प्राप्त गरी इजाजत प्राप्त बैदेशिक रोजगार व्यावसायी संस्थालाई एजेन्ट (प्रतिनिधी) को परीचय प्रप्त हुनुपर्ने व्यवस्था भए पनि हाल सम्म कसैले पनि त्यस्तो एजेन्डको परीचय प्रप्त नगरेको जानरकारी गराउदै जिल्ला प्रसासन कार्याल झापाले आज त्यस्तो आग्रह गरेको हो ।

वैदेशिक रोजगार एनको दफा १५ वमोजिम वैदेशिक रोजगारीका लागि कामदारको छनौट गर्न वैदेशिक रोजगार विभागको अनिवार्य स्वीकृती लिनुपर्ने प्रावधन रहेको छ ।

अनुमति विना एजेन्टको परिचयपत्र प्राप्त नगरेका त्यस्ता व्यक्ति र संस्थाले आकर्षक विज्ञापन गरी आफुलाई एजेन्टको हैसियतमा प्रस्तुत गर्दै वैदेशिक रोजगारीको खोजीमा रहेका सिधासादा नागरीकलाई झुक्याएर वैदेशिक रोजगारीमा लगिदिने वहानामा राहदानी कव्जामा लिने, गैरकानुनी रुपमा रकम उठाइ ठगी गर्ने गरेको घटना आउन थालेको प्रशासन कार्यालयले जनाएको छ ।

साथै कार्यालयले एक सुचना प्रकासीत गरी त्यस्तो कार्यालयाई नियन्त्रण गर्न वैदेशिक रोजगारको पुर्व स्वीकृती र वैदेशिक रोजगार व्यवसायीको परिचयपत्र समेत संल्गन गरेर मात्रै वैदेशिक रोजगारको सुचना प्रकासन तथा प्रसारण गर्ने व्यवस्था गर्न समेत अनुरोध गरेको छ ।