जिल्लाका २७ वटा विद्यालयमा रेडपाण्डा सम्बन्धि पाठ्यक्रम

रविन भट्टर्राई

ताप्लेजुङ, १६ माघ\ हिमाली संरक्ष्ँण मञ्च ताप्लेजुङले रेडपान्डा सम्वन्धि विशेषज्ञ, मावि तथा पाविका शिक्षकलाइ भेला गरि ६८ सालबाट लागु हुने गरी रेडपान्डा सम्वन्धि पाठ्यक्रम तयारी गरेको छ । बिश्व सम्पदा सूचिमा सूचिक्रित रेडपाण्डा पाइने क्षेत्रका सामुदायिक वन क्षेत्र तथा आसपासका बिद्यालयमा पढाइहुने भएको छ ।

जिल्लाका फावाखोला,कालिखोला, सुरुमखिम, याम्फुदिन, तिरिङ्गे, फुरुम्वु, तापेथोक, लेलेप, ओलाङचुङगोला लगायतका २७ वटा बिद्यालयका शिक्षक र रेडपाण्डा नेर्टवर्कका भवानी दाहाल लगायत सरोकारवालाको सहभागिता रहेको थियो । हिमाली संरक्षण मञ्चको सहजिकरणमा तयार पारिएको पाठ्यक्रममा चित्र, खेल, कविता, पाठ लगायतका विषयवस्तु समेटिएका छन । 

साथै वासस्थान, वानिव्यहोरा, प्रमुख आहार, मौषमी आहार, आयु, जीवन अवधि, सन्तान उत्पादन, सहवास र प्रजनन जस्ता बिषयपनि पाठ्यक्रममा समेटिएको कार्यक्रम संयोजक रमेश राइले वताए । दुर्लभ रेडपाण्डाको संरक्षण गर्न सके पर्यटन प्रबद्धन गर्न सकिने भएकोले विद्यार्थीमा रेडपाण्डाको वारेमा चेतना भएमा यसको महत्व र संरक्ष्ँणमा समेत प्रभावकारी हुन हुदो पाठ्यक्रम लागु गरिने वताउनुभयो ।

नेपाल, सिक्किम,वर्मा, दक्षिण चिन, आदी देसमा पाइने यो प्राणी नेपालका लाङटाङ, सगरमाथा, कञ्चनजंघा, मकालु जस्ता संरक्षण क्षेत्रमा पाइन्छ । स्तनधारी प्राणिहरुमध्ये जीवशास्त्र अर्न्तर्गत रहेको यो प्राणी राष्टिय निकुञ्ज तथा वन्यजनतु संरक्षण ऐन २०२९ अर्न्तर्गत अनुसूची १ मा सुचिकृत गरिएको छ । हालसम्म नेपालमै एक पटक लाङटाङमा अध्ययन भएको यसको संख्या एक सय ५४ देखि तीन सय ५४ रहेको हुनसक्ने अनुमान गरिएको छ ।