हिमाल आचार्य
धुलाबारी २५ फागुन । दिनानुदिन बढ्दै गएको सवारी दुर्घटनालाई न्यूनीकरण गर्ने उद्देश्यले झापामा ट्राफिक प्रहरीले जनचेतनामुलक कार्यक्रमको थालनी गरेको छ । कार्यक्रमअन्तर्गत मूख्य राजमार्ग अन्तर्गत विभिन्न स्थानमा व्यानर, होर्डिङ्ग बाडर्, पम्प्लेट राख्ने लगायत विभिन्न विद्यालयमा ट्राफिक सम्बन्धी कक्षा सञ्चालन गरिदैं आएको जिल्ला ट्राफिक व्रहरी कार्यालय झापाले जनाएको छ ।
विद्यालयमा सञ्चालन गरिने ट्राफिक सम्बन्धी कक्षामा ट्राफिक सम्बन्धमा विभिन्न ज्ञानमुलक जानकारी तथा सवारी दुर्घटना न्यूनीकरण गर्न केकस्ता उपायहरु अपनाउने भन्ने सम्बन्धमा जानकारी दिइने जिल्ला ट्राफिक झापाका प्रमूख शान्तिराज कोईरालाले जानकारी दिनुभयो ।विद्यालयमा सञ्चालन गरिने ट्राफिक सम्बन्धी कक्षा कार्यक्रम अन्तर्गत हिजो दमकका २ विद्यालयमा कक्षा सञ्चालन गरिएको र भोलि काँकरभिट्टामा सञ्चालन गरिनेसमेत कोईरालाले बताउनुभयो ।
यसैविच बढदो सवारी चाप तथा दुर्घटनालाई नियन्त्रण गर्न झापाको विर्तामोड आसपासमा परचिालन गरिने सामुदायिक ट्राफिकको घोषणा आउंदो चैत २ गते गरिने भएको छ ।
जिल्ला ट्राफिक प्रहरी कार्यालय झापाले दिएको जानकारी अनुसार सामुदायिक ट्राफिक परिचालनका लागि आवश्यक पर्ने निर्देशिकाको तयारी भइसकेको र त्यसको अन्तिम संशोधनको काम भइरहेको छ ।
अन्तिम संशोधनका लागि निर्देशिका संशोधन उपसमिति गठन गरिएको र त्यसले निर्देशिका संशोधन गरी सामुदायिक ट्राफिक प्रहरी व्यवस्थापन समिति समक्ष बुझउने र २ गते अगावै बस्ने समितिको बैठकले निर्देशिकालाई पारित गर्ने जिल्ला ट्राफिक झापाका प्रमूख शान्तिराज कोईरालाले बताउनुभयो ।
विभिन्न राजनितिक दल, संघ संस्था, यातायात व्यवसायी, मजदुर संघ संगठन, अनारमनी गाउँ विकास समिति लगायत विभिन्न संघ संस्थाहरुले बढदो सवारी चाप तथा दुर्घटनालाई नियन्त्रण गर्न सामुदायिक ट्राफिक परचिालन गर्ने निर्णय गरेका थिए । समुदायसंगको समिप्यतालाई ध्यानमा राखी समुदायसंगकै सहकार्यमा सामुदायिक ट्राफिकको अवधारणा अघि सारिएको हो ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...