बाहुण्डागीमा कृषि प्रदशनी

सञ्जीव चापागाई

झापा,माघ १७ \ “लगाऊ तरकारी फलफुल अन्नबाली, अपनाइ सबैले आधुनिक कृषि प्रणाली” भन्ने मुल नाराका साथ झापाको बाहुण्डागीमा एक दिने कृषि प्रदशनी मेला आज सम्मपन्न भएको छ । 

बहुण्डागी मुल कृषक समुहको आयोजनामा भएको उक्त कृषि प्रदशनीमा स्थानीय स्तरमा उत्पादित कृषिजन्य सामाग्रीहरु प्रदशनीमा राखीएको थियो । कृषि उत्पादन क्षेत्रको उर्वर भूमि मानीएको बाहुण्डागी क्षेत्रको पहिचान लागी सो प्रदशनी राखीएको समुहका अध्यक्ष दुर्गा नेपालले बताउनुभयो ।

कमर्सिएल  एग्रीकल्चर झापा, बाहुण्डागी गाबिस र स्थानीय बासीको ४ लाख लागतमा बनाएको नव निर्मित कृषि संकलन भवनमा भएको कार्यक्रममा सुपाढी, टमाटर, कोपी, आलु, रायो साग, ऊखु, काँक्रा लागाएतका कृषिजन्य सामागीहरु प्रदशनीमा राखीएको थियो । 

नेकपा एमालेकी सभाषद शकुन्तला लेप्चाले उद्घाटन गर्नुभएको कार्यक्रमका अधिकास बक्ताले बाहुण्डागीमा उत्पादित कृषि सामाग्रीको पहिचान देशभरी पु¥याउनुपर्ने कुरामा जोड दिएका थिए । यसरी धारण राख्नेहरुमा हरि ढुङ्गाना, देबु बानियाँ धनपति खनाल, धर्मराज बोहोरा, ज्ञान बा तामाङ्ग, , मुक्ति चापागाई लगाएत रहेका छन ।

सोही कार्यक्रममा उत्कृष्ठ कृषक तर्फ सुमन कुमार बस्नेत र अग्रज कृषकको रुपमा गाएत्री प्रसाद बास्तोलाई दोसल्ला ओडाएर सम्मान गरिएको थियो  । प्रत्येक बर्ष कृषि प्रदशनी गर्दै आएको उक्त समुहले प्रदशनीमा आएका कृषि सामाग्रीहरु मध्ये उत्कृष्ठ प्रदशनीकर्तालाई सम्मान गरको थियो । 

सोही कार्यक्रममा नेपाल रेडक्रस सोसाइटीको प्राबिधिक सहयोगमा रक्तदान कार्यक्रमको समेत आयोजना गरीएको थियो । उक्त रक्तदानमा २० जना रक्तदाता हरुले रक्तदान गर्नुभएको थियो ।