लस एन्जल्स (एजेन्सी), माघ १८ - डिस्ने स्टार माइली साइरस लगातार दोस्रो पटक 'वस्र्ट लिभिङ सेलिबि्रटी इन्फ्लुइन्सेस' घोषित भएकी छन् । एओएलको 'जस्ट सो यु नो' (जेएसवाईके) ले गरेको सर्वेक्षणमा गत वर्ष पनि १८ वषिर्या गायिका/नायिका यो उपाधिमा पहिलो स्थानमा थिइन् ।
टिनस्टार माइलीका धेरै फ्यान रहेको उमेर समूह ९ देखि १५ वर्षका किशोरीहरूलाई उक्त सर्वेक्षणमा सहभागी गराइएको थियो । ५८ प्रतिशतले उनी 'नराम्रो रोल मोडल' रहेको बताएका छन् । उनीहरूले माइलीलाई विवादमा परिरहने र्यापर केनी वेस्ट, गायिका बि्रट्नी स्पेयर्स, लिन्ड्से लोहान र डेमी लोभाटोले भन्दा पनि धेरै बढी गलत प्रभाव पार्ने सेलिबि्रटी मानेका छन् ।
माइली यो वर्ष पनि 'नराम्रो रोल मोडल' चुनिनुमा गत वर्षका उनका केही विवादित क्रियाकलाप जिम्मेवार छन् । सेक्सी इमेज बनाउन प्रयासरत उनले 'क्यान्ट बी टेम्ड' को म्युजिक भिडियोमा अश्लील लाग्ने डान्स गरेकामा आलोचना झेल्नुपरेको थियो । ब्वाइफ्रेन्ड चाँडो बदल्ने बानी र कन्सर्टमा कम कपडामा गरेको पोल डान्सले उनलाई थप आलोचित बनाएको थियो । लागूऔषधको धूवाँ उडाइरहेको भिडियो सार्वजनिक भएपछि उनी विवादको शिखरमा पुगेकी थिइन् ।
'म आफैं टिनएजर भएकीले सिक्दै छु,' गत वर्षको सर्वेक्षणपछि उनले भनेकी थिइन्, 'टिनएजरलाई सही बाटो देखाउने जिम्मा नभई उनीहरुकै अभिभावकको हो ।' यस पटक भने उनले कुनै प्रतिक्रिया दिइहालेकी छैनन् ।
No comments:
Post a Comment
आफ्नो अमूल्य राय, सुझाव तथा टिप्पणीहरु यहाँ लेख्नुहोला...▼ Please leave your Comments here...▼ ...