प्रेस विज्ञप्ति

 मिति : २०६७/१०/१८

 

नेपाल पत्रकार महासङ्घ झापा शाखाका अध्यक्ष एवम् जन–संसद् दैनिकका सम्पादक मोहन काजी न्यौपानेमाथि सभासद् धर्मशीला चापागाईंले जिल्ला विकास समितिको कार्यालयमा स्थानीय विकास अधिकारीको सभाकक्षभित्र २०६७ माघ १८ गते गरेको दुव्र्यवहारको घटनाप्रति हाम्रो गम्भीर ध्यानाकर्षण भएको छ । सभासद् जस्तो गरिमामय पदमा रहेको व्यक्तिले पदीय मर्यादाविपरीत अमर्यादित र अशिष्ट शब्दशैलीमा धाकधम्की दिँदै सिङ्गो झापाली पत्रकारिता क्षेत्रमाथि धावा बोलेको घटनाको हामी निन्दा र भत्र्सना गर्दछौँ । सभासद् चापागाईंको यस्तो निन्दनीय हर्कतप्रति हामी अत्यन्तै दुःखी पनि भएका छौँ । यस्तो अवस्थामा महासङ्घको अगुवाईमा विभिन्न संघ संगठन र जिल्लाका अग्रज सञ्चारकर्मीको आकस्मिक बैठक बसी सभासद् चापागाईं सम्मिलित कुनै पनि कार्यक्रमका समाचार र अन्तरवार्ता आजैका मितिदेखि लागू हुने गरी आगामी तीन महिनासम्म (वैशाख १८ गतेसम्म) बहिष्कार गर्ने निर्णय गरेका छौँ । सो निर्णय अनुसार गर्न गराउनुहुन जिल्लाका सञ्चारकर्मी र सबै सञ्चारगृहलाई आह्वान गर्दछौँ ।