राजेश हमाल मधेसी गेटअपमा

ओठ माथि जुगा, निधारमा रातो लामो टिका साथमा चप्पल र मोजामा धोती, कुर्ता अनि गलामा गम्छाको साथै हातमा लामो छाता बोकी पान चपाउदा महानायक राजेश हमाल कस्ता देखिएलान ? पक्कै पनि फरक देखिएलान उनी । यहि फरक पनालाई समेट्दै विजय बिक्रम निर्देशित दोस्रो चलचित्र ‘हात लाग्यो शून्य’को छायाकंन सुरू गरिएको छ ।

जहाँ राजेश हमाल निकै भिन्न रूपमा प्रस्तुत भएका छन् । हमालको गेट अप सार्वजनिक गर्दै चलचित्रको यूनिटले फिल्म पूर्ण रूपमा कमेडीमा आधारित हुने बताएको छ । दुई दशक बढी आफ्नो फिल्मी यात्रामा पहिलो पटक हमाल पूर्ण रूपमा यस चलचित्रमा कमेडी साथै कञ्जुस पात्रको भूमिकामा देखिदैछन् । ‘चलचित्रमा हमाल निकै धनी हुन्छन् तर धनी भैकन उनी साह्रै कञ्जुस पनि हुन्छन’ निर्देशक बस्नेतले चलचित्रको कथा सारंशमा भने ।

फरक प्रस्तुतीमा निर्देशकले आफूलाई उतारेपछी यूनिटसँग हमाल पनि निकै खुशी छन् । उनलाई आफ्नो पहिरन देखि लिएर सवै कुरा मन पर्‍यो तर एक कुरामा भने उनले केही असन्तुष्ट ब्यक्त गरेका छन् । असुन्तुष्टी हो, चलचित्रमा मधेसी मूलको पात्रको रूपमा रहेका हमालले पान खानु पर्ने दृश्य छ जुन करा उनलाई मन पर्दैन । ‘बीस बर्षभयो पानको स्वाद आफूलाई थाहाँ छैन यो नखुवाएको भएनि हुने’ सुटिङ्गको समयमा उनी भन्दै थिए । बिवाह बर्तमनमा अनि आक्कल झुक्कल पहिले पान खान्थे रे उनी तर सुटिङ्गको दौरानमा पहिलो पटक हमालले आईतबार पान खाएका हुन ।

आगामी एक मिहिना भित्र छायाकंन सकिने बताईएको उक्त चलचित्रमा यस अघि कुनै नेपाली चलचित्रमा प्रयोग नगरिएको बेली डान्स प्रयोग गरिदैछ् । विश्व नेपाल प्रस्तुतकर्ता रहेको उक्त चलचित्रलाई श्री वि एण्ड वि इन्टरटेन्मेन्ट प्रालिको ब्यानरमा शुभ/कृष्मा पराजुली, भगवती नेपाल र लक्ष्मी क्षेत्रीले निर्माण गर्न लागेका हुन । विकास चौधरीको संगीत, राम/जनकको द्धन्द्ध, लोकचन्द्र थापाले क्यामेरा चलाउने उक्त चलचित्रमा राजेशका अलवा नायिका झरना थापा, किरण केसी, शुशिल पोखरेल, गोपाल ढकाल छन्दे लगायतका कलाकार मुख्य भूमिकामा छन् ।